影片
更多
2022-10-03
375 瀏覽
清水灣真係冇乜幾可入過嚟印象中只係去朋友餐飲宴黎過對於我來講係另一個山旮旯🤣今日只係做乘客嘅我已經覺得沿路嘅轉轉轉令人有啲頭暈不過黎完又真係有驚喜冇失望🤪冇去旅行咁耐最掛住嘅其實就係每年家族旅行都會去嘅泰國泰國自己餐都整過幾次 但硬係覺得爭咁啲 原來就係爭咗個氣氛‼️今次清水灣之旅幫我搵返😍今次一行二人一心想搵個地方Hea下搵間好嘅餐廳坐下chill下就決定嚟到清水灣😍😍今次揀咗呢間餐廳🇹🇭Sip Song🇹🇭兩個人眼闊肚窄乜都想食，今次叫咗兩份小食，一碟菜，一個炒飯，一個甜品同兩杯嘢1️⃣Roti pancake with BBQ pork neck 燒豬頸肉油酥薄餅配辣汁 ($95)豬頸肉切到一粒粒外脆內彈牙，肉嘅份量唔少，再配上特色辣醬同椰汁，係一個唔錯嘅前菜小食😋不過強烈建議要利用附上嘅青檸，青檸汁嘅存在會令味道再昇華😋2️⃣Charcoal grilled squid skewers 炭燒魷魚串($125)呢個份量係三串，每串都夾雜着魷魚身同埋魷魚鬚，配上特色泰式海鮮醬，味道同預期嘅一樣，冇乜驚喜感，不過都好味嘅3️⃣Stir-fried water spinach 炒通菜 ($75)呢碟
印象中只係去朋友餐飲宴黎過
對於我來講係另一個山旮旯🤣
今日只係做乘客嘅我
已經覺得沿路嘅轉轉轉
令人有啲頭暈
不過黎完又真係有驚喜冇失望🤪
冇去旅行咁耐
最掛住嘅其實就係每年家族旅行都會去嘅泰國
泰國自己餐都整過幾次
但硬係覺得爭咁啲
原來就係爭咗個氣氛‼️
今次清水灣之旅幫我搵返😍
今次一行二人
一心想搵個地方Hea下
搵間好嘅餐廳坐下chill下
就決定嚟到清水灣😍😍
今次揀咗呢間餐廳
🇹🇭Sip Song🇹🇭
兩個人眼闊肚窄乜都想食，今次叫咗兩份小食，一碟菜，一個炒飯，一個甜品同兩杯嘢
1️⃣Roti pancake with BBQ pork neck 燒豬頸肉油酥薄餅配辣汁 ($95)
豬頸肉切到一粒粒外脆內彈牙，肉嘅份量唔少，再配上特色辣醬同椰汁，係一個唔錯嘅前菜小食😋
不過強烈建議要利用附上嘅青檸，青檸汁嘅存在會令味道再昇華😋
2️⃣Charcoal grilled squid skewers 炭燒魷魚串($125)
呢個份量係三串，每串都夾雜着魷魚身同埋魷魚鬚，配上特色泰式海鮮醬，味道同預期嘅一樣，冇乜驚喜感，不過都好味嘅
3️⃣Stir-fried water spinach 炒通菜 ($75)
呢碟菜俾咗兩個驚喜我，第一係個份量有啲細碟，第二係佢炒得好有鑊氣，又真係好好味喎，嬲佢唔落😂
4️⃣Tom yum styled fried rice 冬陰功炒飯($175)
本身想叫pad Thai,但見個個都話麻麻地，就唔想中個頭埋佢，難得唔係好食澱粉質嘅朋友話個炒飯好似好吸引，就試吓佢！
配料其實好普通有六七隻蝦，八至10粒草菇等等，不過一入口又係有驚喜，炒飯做到粒粒分明好有鑊氣，最誇張係朋友返到屋企都讚緊👍🏻👍🏻仲叫我試吓煮😹
5️⃣Ube and coconut ice cream 香芋椰子雪糕($80)
呢個係特色甜品，除咗兩球雪糕之外，佢嘅toppings都有啲誠意，有大樹菠蘿乾，焦糖脆，花生糖…兩個人share一個啱啱好
6️⃣Fresh young coconut 椰青($50)
呢個正常發揮，飲落清甜，唔會有酸味，不過呢間餐廳用咗環保飲管，如果顧住打卡，飲到一半條飲管應該會變咗條烏冬😹😹不過可以問佢拎過一條既😹😹
7️⃣Thai milk 泰式奶茶 ($50)
呢個朋友飲嘅，佢話正常發揮我就冇試過啦😏
餐廳嘅裝修絕對係有記憶點，佢有三張係半露天望住出邊海景，如果想坐就最好同佢預約定，因為呢度嘅客人好多都會帶埋狗狗過嚟，帶狗狗過去就只係可以坐到呢三張枱，不過景觀來講係好值得等😍
餐廳長期都會播住英文歌，會俾你一種好休閒嘅感覺，係chill既選擇🤪
至於CP值，真係好睇個人，我嚟呢度係想休閒度假風，我就覺得佢CP值👍🏻坐喺度唔會有壓迫感，望住啲人狗行嚟行去又幾過癮，食完嘢行一陣消化完，又可以拎住張蓆沙灘攤係度，咁又一日啦😎😎
如果放假有時間，想搵個地方放空下，呢個係一個唔錯嘅選擇‼️
消費滿$200仲有得免費泊車兩個鐘🤪
張貼
