海外天大馬美食 (已結業)

原本想同朋友去越華會食飯，誰知行經對面，見到有間餐廳貼住張肉骨茶嘅相，我哋兩個都真係好耐冇食過肉骨茶，於是就入去試試。當時餐廳入面一個顧客都冇，一般情況我大多會鬆人，不過我哋戚起咗條筋，真係好想食個肉骨茶，於是抱住少少懷疑嘅心態，坐低叫嘢食。餐廳有晚餐menu，平均七十幾蚊包埋飲品，我哋叫咗一份肉骨茶晚餐跟凍拉茶，另加一條薑蓉蒸鯇魚，同埋一客虎蝦。肉骨茶嘅豬排都幾大舊，仲有軟骨，配黑豉油好正；虎蝦有咸蛋皇味，但未至於黃金蝦咁濃烈；鯇魚好滑味道都唔錯，只係個人口味覺得鹹咗少少！基本上行入一間冇顧客嘅餐廳，本身冇乜期望，誰知又真係有啲驚喜！食到尾聲陸續有顧客入嚟，可能愈夜愈有人氣吧？！