必勝客

營業中

休息中

中學時好鐘意食Pizza Hut嘅午餐，品質唔錯，價錢亦唔算貴。多年後嘅今日，品質依然唔錯，不過我最鐘意嘅千層肉醬闊麵就喺午餐餐牌上消失咗。迷你凱撒沙律，菜都幾新鮮。蘑菇忌廉湯，普通。+$10配酥皮。香烤雞肉忌廉白汁藜麥飯，飯對我嚟講有啲硬。香蒜肉絲意粉，夠經典，相信好多人都食過，簡單嘅材料，但好味。大蝦菠菜芝士迷你必勝批，批底外脆內軟，加埋芝士，口感豐富。+$10原味雞翼(2隻)+$10迷你窩夫配朱古力醬(1件)，上面嘅忌廉係新鮮打起嘅忌廉，窩夫夠香。其中午餐可轉凍草莓夢幻及凍柚子熱情。