茶木‧台式休閒餐廳 (已結業)

是日屋企無飯食，咁就出去試下好耐無食既台灣風味。台灣既食物一向係我喜歡既。今日特地黎到台式餐廳茶木黎試試牛肉面。紅燒牛肉面($72)湯頭有點辣十分惹味，牛肉肉質十分軟熟而且入味，肉及湯都十分配合，好正宗既台灣味道，比上一次黎食既水準仍然可以保持到。另外配料的蘿蔔都煮得十分淋同埋入味。黑糖珍珠奶茶($30)加入了黑糖令到奶茶味道的層次更加多，味道更加濃。珍珠也十分有口感，整體很好的珍珠奶茶。