影片
更多
2006-07-21
28 瀏覽
與老闆&老闆娘到客到作了最後一次presentation，究竟個客啋唔啋佢地已經唔係我能力範圍之內，一切還看老闆娘的做化。係仲未有乜做化前，當然要做有益身心o既事---食晏。相信老闆娘都知道自己有d唔妥佢，今次無去公司canteen黃珍珍or 飛的落去北角咁癲，近近地就去二宜樓。(Oh ! Thank God!) 拒絕幫老闆娘剔點心紙下，拋番個波俾老闆，點o岩佢老婆食個d，咪又係叫個幾樣，盞搞。好彩，都仲有流沙包食下。名不虛傳的流沙包果然真材實料，熱辣辣的蛋黃奶黃如岩漿般湧出來，勝過固體狀的多多聲。跟住上的蝦醬鮮魷，食得出非常新鮮，最愛魷魚用來游水個兩塊瓣，勁爽口！跟住o既糯米卷同燒賣，都只係一般。另外仲有小籠包，相信都係為o左迎合港人需求先至有。皮薄，但易爛係我試過後o既評語，而語不驚人誓不休o既老闆娘竟然話：「D皮未熟呀！仲成舊都係白色！唔好食！」.........無o野講！之前都領教過呢到咸到嘔o既滋味，但係今次好有驚喜，似乎換o左師傅o番。先有鑊氣十足o既紅腰豆炒飯，飯炒得乾身，粒粒飯都係單身貴族分開o既，有d仲微微帶焦，仲有白果tim!嘩！接近炒飯最高境界。呢個炒飯差少少就可
相信老闆娘都知道自己有d唔妥佢，今次無去公司canteen黃珍珍or 飛的落去北角咁癲，近近地就去二宜樓。(Oh ! Thank God!)
拒絕幫老闆娘剔點心紙下，拋番個波俾老闆，點o岩佢老婆食個d，咪又係叫個幾樣，盞搞。好彩，都仲有流沙包食下。名不虛傳的流沙包果然真材實料，熱辣辣的蛋黃奶黃如岩漿般湧出來，勝過固體狀的多多聲。跟住上的蝦醬鮮魷，食得出非常新鮮，最愛魷魚用來游水個兩塊瓣，勁爽口！跟住o既糯米卷同燒賣，都只係一般。另外仲有小籠包，相信都係為o左迎合港人需求先至有。皮薄，但易爛係我試過後o既評語，而語不驚人誓不休o既老闆娘竟然話：「D皮未熟呀！仲成舊都係白色！唔好食！」.........無o野講！
之前都領教過呢到咸到嘔o既滋味，但係今次好有驚喜，似乎換o左師傅o番。先有鑊氣十足o既紅腰豆炒飯，飯炒得乾身，粒粒飯都係單身貴族分開o既，有d仲微微帶焦，仲有白果tim!嘩！接近炒飯最高境界。呢個炒飯差少少就可以問鼎皇者之位，唯見飯粒未有沾上蛋漿成金鑲銀炒飯，唔係就無敵囉！講到咁誇，炒飯只不過四廿零蚊姐。
仲有要提o既就係南乳齌煲。齌煲用沙煲上，熱力逼人，上檯時仲滋滋聲。入面有翠玉瓜白菜仔同埋好多姑姑(菇菇)，南乳味則略遜，簡單d用蠔油都好鮮味，唔洗搞咁多野。
甜品係呢度o既弱項，楊枝甘露都係太甜，西米一樣有米銀，大可不吃。
張貼