影片
更多
2011-04-12
28 瀏覽
睇報紙話'伯伯無熟食牌' 可以見一次拉一次, 無酌情權.....其實講衛生, 好多有牌嘅都唔一定衛生啦, 鋪面污糟又如何, 食環署一年都唔巡幾次啦, 咪又係咁!!!! 咁注重環境衛生, 你可以派員去'陪'住阿伯伯開工(反正你哋都咁清閒, 應拉唔拉) 如果你見到伯伯亂倒水, 又甚至四圍 "一 pat 二 pat " 唔清理的話, 你哋咪拉佢囉!!! 又或者你唔得閒陪佢開工, 驚浪費我哋納稅人金錢怕唔好意思的話, 你大可以尊係'吼'佢收工特登去'捕佢'睇佢有無執番好囉... 如果佢'攪'污糟地方, 你都話叫做有藉口拉佢呀!!! 之但係........如果你一味淨係話驚佢無牌, 食壞客人肚皮, 咁都唔make sense...因為我哋做客人嘅, 見到唔對路, 唔收錢送俾我哋我哋都唔一定放入口啦, 駛你替我哋擔心????!!! 早幾年食過, 至醒起點解細個時我都好似有食, 但大過咗唔再買嚟食, 因為佢...我至記起雞蛋仔好味在外皮要香脆之餘, 入面會有舊軟軟彈彈的'心', 但曾幾何時我好多年都記得食到嘅係一味脆卜卜, 但入面通心嘅, 而且我都唔記得原來應該有'蛋香', 我遺忘咗細個食
其實講衛生, 好多有牌嘅都唔一定衛生啦, 鋪面污糟又如何, 食環署一年都唔巡幾次啦, 咪又係咁!!!!
咁注重環境衛生, 你可以派員去'陪'住阿伯伯開工(反正你哋都咁清閒, 應拉唔拉) 如果你見到伯伯亂倒水, 又甚至四圍 "一 pat 二 pat " 唔清理的話, 你哋咪拉佢囉!!! 又或者你唔得閒陪佢開工, 驚浪費我哋納稅人金錢怕唔好意思的話, 你大可以尊係'吼'佢收工特登去'捕佢'睇佢有無執番好囉... 如果佢'攪'污糟地方, 你都話叫做有藉口拉佢呀!!!
之但係........如果你一味淨係話驚佢無牌, 食壞客人肚皮, 咁都唔make sense...因為我哋做客人嘅, 見到唔對路, 唔收錢送俾我哋我哋都唔一定放入口啦, 駛你替我哋擔心????!!!
早幾年食過, 至醒起點解細個時我都好似有食, 但大過咗唔再買嚟食, 因為佢...我至記起雞蛋仔好味在外皮要香脆之餘, 入面會有舊軟軟彈彈的'心', 但曾幾何時我好多年都記得食到嘅係一味脆卜卜, 但入面通心嘅, 而且我都唔記得原來應該有'蛋香', 我遺忘咗細個食嗰啲唔係咁嘅, 我'以為'我自己係唔鍾意食雞蛋仔, 因為食親都唔好食, 直至食過伯伯的, 才記起細過時啲雞蛋仔係點, 真係好大誤會...
啲報紙報導話: 食環署人員因'上司叫到, 無辦法唔做嘢', 咁都有啲推卸責任喎, 不如記者朋友去搵吓'邊個'係呢team 人嘅上司啦, 成日話法律不外乎人情, 希望記者去訪問吓嗰個上司, 睇吓佢有咩原因, 大project唔做, 係要針對伯伯啦....
Thank you!
張貼