德藝會

營業中

休息中

朋友有7折card, 今日拉佢再黎encore~~而且我都幾鍾意飲茶😛，貪佢呢度環境是正，夠乾淨舒服。無黎一排menu 轉左，上次鍾意果個野菌餃同埋鮮竹卷都無左lu, 咁唯有試下其他未食過既野。✨蝦餃皇： 皮薄饀靚，入面啖啖蝦肉份量十足，而且非常彈口，真係唔錯，無愧對蝦餃皇之名👍🏻✨椒鹽鱈魚粒： 賣相唔錯，色澤金黃。之前起街食親鱈魚都中伏，無味淡某某。不過呢個加左椒鹽又出奇地好食，炸漿食落好鬆化好惹味，今次有驚喜。✨奶皇流心包： 個包拎起手已經感覺到好鬆軟, 不過呢個唔係好流沙feel,欠蛋黃香， 似奶皇包多d✨太極鴛鴦飯： 呢個飯實在太太太太耐無食過，細細過酒樓食得多。個飯都好大碟，兩個人食食唔晒。中式白汁唔錯，蝦球同翠肉瓜都好爽口，飯粒軟硬適中。我更加鍾意茄汁底，甜甜酸酸，配埋雞肉洋蔥，更加正。個汁唔會太杰，好似我鍾意食飯撈汁既朋友，呢個絕對唔會失望。