盈好(客粵)海鮮酒家 (已結業)

今次係第二次食呢間不過冇帶相機有幾味菜我覺得係要推介下梅菜扣肉，食過兩次，第一次食個印象好深刻，肉同油層次分明，入口有得咬又香，個梅菜都可以食兩碗飯。啫啫通菜煲，用左d潤去整，好野味，怕高膽固醇就唔好食d潤啦。鹽焗雞，雞味一般，但係鹽焗得唔錯。東江豆腐，唔算特別深刻的，但也要一試。小炒王，送啤酒的選擇，少少辣味，唔錯的。服務一題: 我覺得佢地服務唔錯，因為第二次去食個梅菜扣肉既時候，肥油太多，我地同個經理講，雖然佢答左一個我地都O咀既答案"果d係煮完個菜既油黎架"。但係後來我地堅持要換，佢都入左去廚房睇，再話番我地知，成批貨都係差不多，建議我地換另一個菜。可能有人會話我地唔識食，但係個人口味既野，入唔到口就係入唔到口。價錢黎講，算係fair。不過去之前最好訂位，因為佢地方唔多，晚飯時間好爆。