影片
更多
2009-04-18
11 瀏覽
17-4-2009又到灣仔開餐, 今次拉了朋友0黎到呢間港式西餐廳, 因為 Yan 食評提及的 Eggs Benedict 實在太吸引 但原來夜晚無得供應, 結果要了兩款 menu 上「推介」食物的套餐 --「紅酒燴牛尾」(跟湯及飲品) 及「泰式蜜洞雞飯」(跟湯).餐湯揀了「西式」的羅宋湯, 有大量西芹, 椰菜, 紅蘿蔔之類, 茄膏的酸嗆味突出, 少少辣, 果然係典型港式西餐「紅湯」的味道.朋友飲「中式」例湯, 唔知住家唔住家?朋友的「蜜洞雞飯」其實係「泰式海南雞飯」, 不過 1) 雞肉唔夠滑, 雞皮稍厚又鹹鹹的, 味道似「去骨潮州鹹雞」(潮州鹹雞又係點: http://www.openrice.com/restaurant/commentdetail.htm?commentid=1908964) 多 d, 可以更好; 飯係白飯紅米「兩溝」, 不過作用不大, 而且比較乾削, 麻麻0地; on the side 的兩色醬就最唔掂, 黑醬油勁甜味道又怪怪的, 酸辣汁唔辣, 勁酸嗆, 亦唔多新鮮, 唉. 紅酒燴牛尾配蒜蓉包 (亦可選白飯) 就好好多 -- 蒜蓉包夠蒜香牛油香又脆口, 空
又到灣仔開餐, 今次拉了朋友0黎到呢間港式西餐廳, 因為 Yan 食評提及的 Eggs Benedict 實在太吸引 但原來夜晚無得供應, 結果要了兩款 menu 上「推介」食物的套餐 --「紅酒燴牛尾」(跟湯及飲品) 及「泰式蜜洞雞飯」(跟湯).
餐湯揀了「西式」的羅宋湯, 有大量西芹, 椰菜, 紅蘿蔔之類, 茄膏的酸嗆味突出, 少少辣, 果然係典型港式西餐「紅湯」的味道.
朋友飲「中式」例湯, 唔知住家唔住家?
朋友的「蜜洞雞飯」其實係「泰式海南雞飯」, 不過 1) 雞肉唔夠滑, 雞皮稍厚又鹹鹹的, 味道似「去骨潮州鹹雞」(潮州鹹雞又係點: http://www.openrice.com/restaurant/commentdetail.htm?commentid=1908964) 多 d, 可以更好; 飯係白飯紅米「兩溝」, 不過作用不大, 而且比較乾削, 麻麻0地; on the side 的兩色醬就最唔掂, 黑醬油勁甜味道又怪怪的, 酸辣汁唔辣, 勁酸嗆, 亦唔多新鮮, 唉.
紅酒燴牛尾配蒜蓉包 (亦可選白飯) 就好好多 -- 蒜蓉包夠蒜香牛油香又脆口, 空口食都已好好食; 牛尾燴得入味, 瘦肉軟熟, 連筋的部分一樣腍, 正! 「紅酒」汁就當然無乜酒味啦, 不過酸酸香香好開胃, 都幾好食; 紅蘿蔔就略嫌唔夠腍.
餐飲係熱奶茶, 呢個好0岩飲 -- 茶味香, 好滑, 好過唔少茶檔/茶記喎!
環境及招呼就係扮西餐廳的茶餐廳, 不過食物 ok, 唔錯的平平0地選擇.
下次再食 Eggs Benedict.
張貼
