影片
更多
2011-10-25
23 瀏覽
7月5日, 118週月快樂!自從年多前食過燒魂一嘅燒肉放題之後, 中間雖然都有食過下日式燒肉, 不過總係因為價錢問題都係好似食得唔夠過癮. 始終放題喺肉質上可能冇咁靚, 但係就可以食餐飽, 咁啱和幸又做團購, 見咁平就一於來個燒肉放題~::: 和幸極上一人前 ::: $98 x 2未燒肉之前, 會先奉上前菜呀, 麵豉湯同白飯咁, 當然呢d唔係今餐嘅主角, 先淺嚐啦~ 野菜沙律嘅菜都幾新鮮, 加埋粟米, 車厘茄再撈上日式沙律汁, 可以先幫口腔清新一下. 麵豉湯味道都幾濃, 但係味道就冇乜特別. 反而個凍豆腐幾好食, 少少硬好有質感, 加咗芝麻醬味道更為特出~到主角出場, 侍應會先上一碟牛舌再加無限量追加餸料一碟, 可以俾我地試味, 好食嘅再encore~ 牛舌因為係只有一碟, 所以都好似珍貴d, 味道確實非常不錯, 冇乜醃過嘅牛舌夠晒薄, 只需輕微加少少黑椒喺面, 底面辣一辣就可以上碟! 口感非常豐富, 有肉味有肉汁, 咬落仲好爽口, 正! 無限量供應嘅肉類蔬菜嘅質素都唔低, 首推牛小排同味噌雞肉~ 牛小排嘅牛味都唔錯, 有肥牛感, 但係因為筋多關係燒出嚟就比較易碎, 所以都唔應該燒太耐
自從年多前食過燒魂一嘅燒肉放題之後, 中間雖然都有食過下日式燒肉, 不過總係因為價錢問題都係好似食得唔夠過癮. 始終放題喺肉質上可能冇咁靚, 但係就可以食餐飽, 咁啱和幸又做團購, 見咁平就一於來個燒肉放題~
::: 和幸極上一人前 ::: $98 x 2
未燒肉之前, 會先奉上前菜呀, 麵豉湯同白飯咁, 當然呢d唔係今餐嘅主角, 先淺嚐啦~ 野菜沙律嘅菜都幾新鮮, 加埋粟米, 車厘茄再撈上日式沙律汁, 可以先幫口腔清新一下. 麵豉湯味道都幾濃, 但係味道就冇乜特別. 反而個凍豆腐幾好食, 少少硬好有質感, 加咗芝麻醬味道更為特出~
到主角出場, 侍應會先上一碟牛舌再加無限量追加餸料一碟, 可以俾我地試味, 好食嘅再encore~ 牛舌因為係只有一碟, 所以都好似珍貴d, 味道確實非常不錯, 冇乜醃過嘅牛舌夠晒薄, 只需輕微加少少黑椒喺面, 底面辣一辣就可以上碟! 口感非常豐富, 有肉味有肉汁, 咬落仲好爽口, 正! 無限量供應嘅肉類蔬菜嘅質素都唔低, 首推牛小排同味噌雞肉~ 牛小排嘅牛味都唔錯, 有肥牛感, 但係因為筋多關係燒出嚟就比較易碎, 所以都唔應該燒太耐, 5成就剛剛好~ 味噌雞肉嘅味噌好帶出雞肉味, 好夾~ 雞嘅肉質好嫩, 比起辣味雞肉味道更好, 個辣味反而好淡, 唔夠惹味… 另外柚子豚都ok, 似係豬頸肉質地, 爽口彈牙, 只係味道都係偏淡, 豬味都比較少. 粟米, 青椒雖然冇乜特別, 但係所為整餐嘅素食, 點都要食番多d幫助消化~ 嗰d雞翼呢, 都只係普普通通, 所以我地encore都係以牛小排同雞肉為主, 追加咗兩輪都已經好飽~
飯後仲有個甜品添, 係牛乳奶凍, 普普通通咁啦, 個人嫌太硬唔夠滑… 不過奶味都濃, 而且甜度適中~ 都總算可以為呢餐寫上完滿句號.
唔止好耐冇食燒肉放題, 連任食自助餐都冇乜食過, 今次真係大飽口福~ 今日平日lunch又冇乜人, 好靜又可以慢慢燒, 雖然話限時1.5小時, 但係佢地都好好俾我地落完last order之後慢慢坐, 坐到3點先走人~
張貼
