翠華冰廳 (已結業)

新年過後, 見限聚令放寬了, 於是同同事一行三人去食LUNCH。當日唔算多人, 我地登記好資料後就入座。我記得以前嘅翠華都幾貴, 所以都好少去食。今次去食, 以而家個物價嚟計, 又唔算好貴。我點咗常餐 - 濃厚鮮茄生滾牛肉米粉拼火腿炒滑蛋牛油多士同熱咖啡。等咗大約5-10 分鐘就上餐, 算快!火腿炒滑蛋牛油多士都係幾好, 唔係HEA 。多士脆而且牛油都抹得均勻。濃厚鮮茄生滾牛肉米粉個湯好似一個好濃嘅蕃茄湯, 加上鮮牛肉, 但係鮮牛肉就冇乜牛肉味。不過大多數食店都係咁, 所以冇特別失望。總括嚟講, 以呢個價位嚟計, 仲可以有其他選擇。