泉昌美食 (已結業)

甚少出省城嘅小妹，今日出左灣仔，每次經過小妹都會諗起呢度嘅臭豆腐，可惜男人唔鐘意食立雜野，難得今日男人唔喺隔離，獨自去偷食一下周圍變左不小，幸好小店仍舊喺度，門面明顯裝修過，諗返對上一次光顧仲係讀書年代，幾蚊有两件小臭豆腐，想咁多當年不如行動，買左件價值12蚊嘅臭豆腐，仍舊外脆內軟，但軟得黎唔會散晒，一定要加甜醬同豆瓣醬，雖然價錢係以前嘅一倍，不過我一定要返黎再食，齒夾留香而家諗起又想食啦，希望下次再光顧，小店唔好受社會嘅洗禮而要結業，一定要長做長有啊！