影片
更多
2019-10-08
1024 瀏覽
細個既時候，周街都係茶餐廳，果陣就好想食快餐；當大個咗周街都係快餐，就好掛住傳統茶餐廳既味道。-男朋友呢日就帶我去大坑既祥勝茶餐廳～為咗食到好味既茶餐廳真係邊到都要去！-鋪頭好易搵，唔大，但位置都唔算少，鋪頭外面都有位置坐，幾有風味嫁！入到鋪頭，已經聞到廚房傳出一陣陣好香既肉味，我就知道無去錯地方！而且呢間茶餐廳好有人情味，聽到老闆同每個客人都有講有笑，真係好。-【蔥油豬扒飯】哇，一上枱，勁香！咁靚仔真係望見都想食，有洋蔥同蔥，係非常香口，唔識comment，而豬扒既份量係超足，而且一d都唔薄，肉質好軟而且唔會有鬆肉粉既味道，好出色！加埋呢到既辣椒油，香而不辣，正！-【鹹魚雞粒炒飯】去茶餐廳又點可以唔食鹹魚雞粒炒飯呢？拿，望落去好似好頹，但都幾好味嫁！鹹魚大大粒，好香，而且雞肉好滑，飯都炒得夠乾，有少少碎，每一啖食落都好滿足，但當然無蔥油豬扒飯咁出色嫁啦！-總結，我一定會再黎，下次一定會再食豬扒！
-
男朋友呢日就帶我去大坑既祥勝茶餐廳～
為咗食到好味既茶餐廳真係邊到都要去！
-
鋪頭好易搵，唔大，但位置都唔算少，鋪頭外面都有位置坐，幾有風味嫁！入到鋪頭，已經聞到廚房傳出一陣陣好香既肉味，我就知道無去錯地方！
而且呢間茶餐廳好有人情味，聽到老闆同每個客人都有講有笑，真係好。
-
【蔥油豬扒飯】哇，一上枱，勁香！咁靚仔真係望見都想食，
有洋蔥同蔥，係非常香口，唔識comment，
而豬扒既份量係超足，而且一d都唔薄，肉質好軟而且唔會有鬆肉粉既味道，好出色！
加埋呢到既辣椒油，香而不辣，正！
-
【鹹魚雞粒炒飯】去茶餐廳又點可以唔食鹹魚雞粒炒飯呢？
拿，望落去好似好頹，但都幾好味嫁！
鹹魚大大粒，好香，而且雞肉好滑，飯都炒得夠乾，有少少碎，
每一啖食落都好滿足，但當然無蔥油豬扒飯咁出色嫁啦！
-
總結，我一定會再黎，下次一定會再食豬扒！
張貼
