茶木‧台式休閒餐廳 (大埔超級城C區)

營業中

休息中

今日很忙碌，忙到無時間同精力下廚，咁就買2个外賣做晚餐。都有一段時間無食茶木，聽街坊說大埔呢間茶木服務麻麻，今日嚟到，又唔系好覺得，員工好客氣同主動。台灣牛頰麵系每次必食，牛頰炆得好淋，好入味，湯底濃郁，麵條軟硬適中，外賣盒嘅設計系食物同湯分開，所以拎到返屋企都影響不大。雞翅麵嘅雞亦都唔錯，幾嫩滑，但唔知點解牛頰麵有2條小棠菜，但雞翅麵就沒有，2款麵都系略嫌個麵細咗少少，如果加返啲，又或者可以加錢加底就更加好。鹽酥雞是台灣非常受歡迎的小吃之一，茶木呢個都做得唔錯，炸得金黄酥脆而且細細粒，一口一粒，好食。反而紅油抽手麻麻地，太細粒，口感好似食紅油雲吞皮，頂多可以叫紅油小雲吞，餡料亦都冇乜特別，可能因為系搭配嘅小食。味道整體都系唔錯的，外賣各項都要收錢，單是盒都收咗6蚊，為咗慳1蚊1套嘅餐具錢，餐具我自備。