曲奇四重奏 (加拿分道) (已結業)

好耐無食蝴蝶酥，曾經都買得幾密，行過見到佢，想買包過下口癮，見到比上次去多左好多款式。由於最近好需要減肥，見到有隻寫住代糖既海藻糖蝴蝶酥，試食左塊，感覺同原味分別唔大，味道又不過不失。本身都想買禮盒過年送下禮，好過下下都送金莎同藍罐曲奇咁悶。但係由我入鋪頭試食，到我打埋電話問屋企人要預備幾多盒，到四圍睇搵禮盒，足足有10分鐘，個店員都係無理到我，自己不停DUP低頭玩電話。我行埋去問佢有無4色禮盒，佢都係無理過我既。所以最後，買左一包原味紙包蝴蝶酥過下口癮就走人。講真，味道 -  堅係退步左既，無以前咁鬆化。變左 -  咪又係咁，正常蝴蝶酥囉價錢 - 貴左好多好多，七十幾蚊得十二，三塊，唔抵食嫁結論咪： 等何年何月諗起好耐無食，先有幾會再買。 朋友黎香港旅行話要買當手信？不了。