影片
更多
2017-11-18
1684 瀏覽
岩岩去完韓國旅行咋嘛，返黎已經忍唔住想食韓國野，炸雞部隊鍋真係食到悶，今晚收工即刻拉老公黎食韓燒，一個價錢任食才是皇道！呢間韓燒好似之前都有食過，但係個樣靚左好多，無論裝修、擺設全部精美左，就連座位既設計都靚左，有趣左。晚市一個價錢任食，$188，店員幫我地開左爐，我地就急急腳出去攞野食，食物選擇好多，唔單止有韓燒既食物，仲有日式、熟食、糖水、韓式前菜、雪糕、糕點，連飲品都是任飲的！我先挑戰熟食，韓式炒粉絲味道很好，不咸亦不辣，除了粉絲還有芽菜、椰菜等配料。泰式咖哩蟹帶比我一d驚喜，咖哩味足夠，而且唔會hea，每隻都係有膏有肉！海鮮方面我試左d青口，每隻都用冰雪住，保持新鮮，青口都好大隻，肉甜亦鮮。等左10分鐘左右，咁岩撞見三文魚剌身出爐，急不及待即刻攞，三文魚都幾厚身，魚油味重，所以食完會有膩感，建議唔好食太多，唔係就食唔到其他野啦！講左咁耐係時候食下今晚主菜，韓燒啦！款式好多，海鮮、肉類、腸、連午餐肉都有，應有盡有。燒紅腸雖然無任何醬汁，但都幾好味！魚柳醃得唔錯，除左魚味仲可以有d咸咸既味道，但魚柳比較難燒，好容易痴底，要放係爐邊先得！牛肉不是一片片的牛肉，是類似肥牛咁，但沒有雪花
呢間韓燒好似之前都有食過，但係個樣靚左好多，無論裝修、擺設全部精美左，就連座位既設計都靚左，有趣左。晚市一個價錢任食，$188，店員幫我地開左爐，我地就急急腳出去攞野食，食物選擇好多，唔單止有韓燒既食物，仲有日式、熟食、糖水、韓式前菜、雪糕、糕點，連飲品都是任飲的！我先挑戰熟食，韓式炒粉絲味道很好，不咸亦不辣，除了粉絲還有芽菜、椰菜等配料。泰式咖哩蟹帶比我一d驚喜，咖哩味足夠，而且唔會hea，每隻都係有膏有肉！海鮮方面我試左d青口，每隻都用冰雪住，保持新鮮，青口都好大隻，肉甜亦鮮。
等左10分鐘左右，咁岩撞見三文魚剌身出爐，急不及待即刻攞，三文魚都幾厚身，魚油味重，所以食完會有膩感，建議唔好食太多，唔係就食唔到其他野啦！
講左咁耐係時候食下今晚主菜，韓燒啦！款式好多，海鮮、肉類、腸、連午餐肉都有，應有盡有。燒紅腸雖然無任何醬汁，但都幾好味！魚柳醃得唔錯，除左魚味仲可以有d咸咸既味道，但魚柳比較難燒，好容易痴底，要放係爐邊先得！牛肉不是一片片的牛肉，是類似肥牛咁，但沒有雪花肥膏，味道亦醃得不錯，我就推介牛舌，牛舌雖然無d咩醃料，但係薄薄地一片，易熟又快趣，另外芝士腸都幾好，皮脆內多肉，入面爆多芝士，燒完芝士腸爆開，芝士泌少少出黎，仲有流心既感覺。
雖然好飽，但還是要留少少空間食甜品，呢度有棉花糖機架，但自問我挑戰唔到，我揀左凍櫃入面既西米糕，一聞已經有椰汁味，西米粒粒分明，好味！仲有飲品任飲，罐裝紙包裝都有！
雖然炸雞，水冷麵等大行其道，但傳統的韓燒仍是有市場的，勝在款式多，又夠平！
張貼
