Applegreen (已結業)

記得多年前Apple green無論午市定晚市都大排長龍，而家此情此景不再。周六午市都唔駛排隊，咁一於去懷緬下最愛嘅carbonara。午市套餐由80幾至百中不等，包沙律餐湯野飲，都算實惠。兩個人分別叫左最愛嘅煙肉忌廉意粉同埋蜜糖炭燒黑豚扒。首先上左餐湯沙律牛角包，沙律菜算新鮮，但個包唔得，凍嘅，個湯都係唔夠熱，其實先唔好講味道，湯同包齋係夠熱都爭好遠。Carbonara一如已往嘅好，汁濃夠味意粉彈牙，面頭嘅芝士加點咸香，正。黑豚扒都喜出望外，大塊又淋，好香蜜糖味，薯條都唔錯，敗筆係堆紅蘿蔔同蕃薯粒，超冇heart，又係凍嘅，好似食大家X求其「筆」一堆出黎咁。要做好啲，其實要注重細節。