清真牛肉館 (龍崗道) (已結業)

雖然係區內名店之一，但中學時代中過一次伏，所以已經好耐冇食過。好彩同事帶我嚟呢度食飯，先發現當初嘅水準返晒嚟😆。.咖哩羊腩（配白飯）羊腩肥瘦適中，口感有層次，又腍又入味。咖哩香濃，辣度偏低，唔食得辣嘅都入到口。我仲好記得多年前食過嘅咖喱羊腩，係一兜得辣油嘅液體，撈先撈到兩舊細細舊嘅羊肉，但呢次確實令我改觀😍。.牛肉餅雖然價錢係寫$38/2件，其實可以嗌單數份量。一咬就有爆汁效果，但對我嚟講鹹咗少少，同埋太過油。味道同以前差唔多，但稱為名物就有啲言過其實🤫。.相比起中學時代，餐廳多咗好多內地遊客。慶幸嘅係價錢合理，而且樓面嘅態度都幾好。相反好多餐廳一旦被遊客追捧，就會盲目抬價，亦唔會稀罕本地客。因此即使九龍城美食林立，呢間亦都係一間可回頭嘅餐廳。.🐮清真牛肉館九龍城龍崗道1 號