大家樂 (蝴蝶廣場)

營業中

休息中

星期五夜晚，有野做就黎呢度食晚飯。食咩好呢，就打邊爐啦。今次食左個肥牛雜丸，湯底要豬骨同沙嗲湯底。加六蚊仲有杯凍檸賓飲。講下湯底先，豬骨湯底唔錯。個湯底好清又夠入味，又唔會太鹹。唔錯。而個沙嗲湯底好夠濃，我上次食就淡而無味。不過唔夠味既都可以用佢地本身有既沙茶醬溝埋一齊。牛肉都幾好味，入口即溶。而個蝦滑好新鮮，蝦味都幾夠。而雜丸好結實，唔會話一夾就散。其他材料都可以既，但又唔見得太特別，特別留意既係豆腐用左百福豆腐，好滑好好食。而個蔬菜份量比以前多，感覺上比較健康。而我最鍾意個米線，彈牙爽口，但份量多就更好啦。凍檸賓只有利賓納就無乜特別既，加埋檸檬就好好飲。呢個晚餐都唔錯，但我覺得個冷氣唔多夠。結果越食越熱，我由七點三食到八點半。越夜越多人，希望呢間生意越來越好啦。