一生懸麵

營業中

休息中

暫時沒有時間去日本，朋友带我來到荃灣一間好有日本小店feel的拉麵舖，懷念吓日本的味道。見有大大張poster推介“蜆貝羊肚菌拉麵”，咁就試下啦，實物同poster一樣，有3隻大大隻好飽滿的蜆喺上面，見到就想食，而食落果然好鮮甜，湯底是甘甜無比，麵質可揀軟硬度，照顧客感受非常之好，沾麵亦一樣，因我亦叫咗個沾麵，就係“魚介豚骨沾麵”，而標準麵質就最啱我哋。二個麵都加咗配料，拉麵加咗竹筍，量多味美；沾麵就加咗“慢熟豚叉燒”和“半熟蛋”，都好高質，好日式；小食“煎餃子”熱辣辣上檯，還有“波子汽水”和健康飲品“桂花烏龍冷泡茶”，冷泡茶天然香甜，不苦不澀， 值得推介。