新巴蜀風 (已結業)

之前喉嚨痛一直未好，但好想食辣野！今日終於等到好返晒，可以食餐四川菜啦～ 在銅鑼灣逛了一天，有點餓，便打算早點食晚餐。 但又不想經常食連鎖式嘅餐廳，上Openrice找了幾間餐廳比較一下。最後決定食呢間比較貴嘅，當係補返數！ 因為才6點的關係，餐廳內暫時未有其他客人。店員安排了一張雙人桌給我們，便問我們要什麼茶。選擇有普洱，水仙和菊花，還有一個忘了。而我們叫了菊花，因為食辣，喝清點應該不錯。呢個係餐前小食，酸蘿蔔片，但有幾塊有黑邊，可能變壞左而我們則叫了三個菜式，分別是：1. 口水雞 $188 因為媽媽唔太食得辣嘅關係，所以口水雞我地叫左小辣。口水雞上面有好多配料，倒如花生都好香脆。雞肉好嫩滑，但肉質唔係太厚，薄薄地帶啲似海南雞咁。食埋雞皮，簡直一流，如果食得辣可以食中／大辣！辣汁用黎撈飯都係一流但以＄188呢個價錢黎講，個份量好細，應該無半隻雞。2. 夫妻肺片 $98夫妻肺片其實姐係辣嘅牛雜。牛肚切到好薄，好爽口、牛展好軟，好入味。呢個比起口水雞就再辣啲，都有辣度揀（不過我地點嘅時候唔知。）雖然呢個辣啲同有麻麻嘅感覺，但係就好好食，食多兩舊都已經慣左個味。另外，仲有唔少大蔥。