山崎麵飽 (已結業)

今日早上，一早要出遠門，未食早餐。喺九龍塘站轉車嘅時候，7點幾美心都未開，呢間麵包店已經開左，真是及時雨啊！一大清早，麵包款式十分多，睇到眼花撩亂。最後揀咗我最鍾意食嘅朱古力球。呢間的麵包球一定係鎮店之寶，$17有6粒，$9有3粒，$3.3一粒。我最鍾意葡式朱古力球，朱古力味濃，口感煙韌，好好食。葡式黑芝麻球都好香，粒粒芝麻包係入面，豐富口感。葡式芝士球就單調左，有淡淡芝士鹹香味，不過我最鍾意都係朱古力球。