松記糖水店 (已結業)

好耐冇幫襯過松記糖水， 近排因為疫情， 好多鋪頭都好早閂門， 食完飯經過見佢史無前例咁冇人排隊之外， 糖水鋪入面仲要小貓三四隻， 同朋友即刻秒沖咗入去。 照舊， 入餐廳前都係糧體溫， 見佢鋪頭細細， 都隔開晒客人嚟坐， 算跟得足啦！平時食開幻彩明珠嘅我， 今日就加個球芒果雪糕。 質素保持到佢地嘅水準， 生果新鮮， 黑珍珠， 大西米亦都好彈牙， 芒汁好香濃。 價錢五十幾蚊， 處於銅鑼灣呢個鬧市中， 呢個價錢真係唔算貴， 而份糧亦都算大份！