海皇粥店 (樂道) (已結業)

真好耐冇食海皇粥了，咁岩今日經過，見少少人，人去食下。以前經常在灣仔間食，因為貪佢夠經濟而水準不錯。而尖沙咀呢間就第一次了。坐位闊落舒服。我就叫了個抵食套餐，有迷你南瓜碎肉粥，炒麵和油條。呢個餐絕對夠飽，南瓜瘦肉粥是我至愛，甜甜的南瓜加肉碎，炒麵大碟，油條脆身。另外我朋友叫了另一個尊貴海皇一品粥、鮮蝦腸粉和豆漿。海皇一品粥好大碗，又多材料，鮮蝦腸嫩滑，跟埋個熱辣辣的豆漿，正！我哋也叫了個小食：xo醬羅白糕，出乎意料般好食，不太辣，但好惹味，配粥一流。