繼 (已搬遷) 新店位置

每過一段時間，繼既餐牌都會搞搞新意思，保持新鮮感。今次就食左佢既lunch omakase $880，分別有前菜、沙律、蒸蛋、刺身6款、肉眼薄燒、壽司6件、海膽蔥吞拿魚飯、湯同甜品。佢個omakase之前就咁食刺身壽司(大約$680)，而家個新餐牌就加左肉眼薄燒同海膽，食晒成個set之後真係滿載而歸🤤作為蛋迷既我，真係好鍾意食繼既蒸蛋，一如既往咁滑咁好食。刺身方面，首先上水八爪配熟吸盤、熟成1日既深海池魚同埋用備長炭燒既梳子魚，跟住再上池魚同稻草煙燻鰹魚，最後有紫菜包炙燒帆立貝。上完刺身之後，有一客肉眼薄燒作為間埸。肉眼薄燒入面係預先炒好既蒜片同蔥，有肉汁，蒜片仲係好脆，唔會話好膩，作為間埸都唔會搶左刺身/壽司個fo。一開頭都驚會好有飽肚感，就食唔落所有壽司，不過份量啱啱好。壽司方面，按次序有赤貝(肉質好爽甜)、銀鮭配左d黑魚子、鯖魚昆布漬(酸酸甜甜咁)、赤身、有d煙燻味既中拖羅醬油漬、炙燒鱈魚配芝麻醬。最後就上埋海膽蔥吞拿魚飯，雖然賣相唔吸引，但好有層次同口感，海膽都好甜。甜品係咖啡奶凍加紅豆，貌似純牛奶布甸但原來好重咖啡味，唔想食甜品既可以叫咖啡或茶。總括黎講，會繼續去。遲d再去食