醬缸韓國料理 (已搬遷) 新店位置

媽媽早前由韓國旅行回港話無食到醬油蟹 ，難得今日平日放假就帶屋企人黎食。對上一次黎已經係年幾前，味道無變但價錢就加左唔少🙈🙈我地18:30到達 唔使等位👏🏻👏🏻今晚主角 醬油蟹雖然蟹膏唔算多 但蟹肉鮮甜 ，配埋紫菜飯食一流細佬好愛個醬油海鮮豆腐湯味道中規中矩 ，我覺得可以再辣少少🙈🙈芝士年糕鍋(牛肉)今次揀左唔辣，比想像中好味，甜甜的滋味。份量好多 有十幾件牛排🥩捲着芝士食一流。餐廳食物質素唔錯，環境比較逼夾，同由於多人等位食完要即閃。今次埋單7百幾蚊。