Dazzling Cafe (皇室堡) (已結業)

今晚黎到幾年冇食過既Dazzling Cafe食晚飯。最記得佢既甜品：蜜糖吐司同窩夫都好好食。今晚搞搞新意思，叫左其它野食：松露薯條，黄金烏魚子蒜香義大利麵，青醬奶油雞腿義大利麵。甜品叫左新產品繽紛莓果布里歐。每人最低消費要叫一杯野飲，於是叫左Dazzling紅茶同黑炫風摩卡。薯條卜卜脆；烏魚子蒜香義大利麵重海鮮味；青醬我唔好，但義大利麵本身唔錯；布里歐外面係好脆既糖醬，入面類似丹麥麵包，鋪上莓果醬，吉士醬同奶油，甜品果然出色；兩杯野飲都好飲，甜度岩岩好。