十三少酸菜魚 (已結業)

之前真係好鍾意食太二酸菜魚，因為香港真係搵唔到依種味道。冇返大陸之後係香港食酸菜魚都覺得真係完全唔係果回事。但依間都算係暫時覺得最好食嘅一間！入得黎目標好簡單，就係酸菜魚！三個人食叫左個正常size($238)另加左寬粉($22)個魚好滑而且無骨同無腥味，湯底唔算好辣但酸味就幾出，用黎撈飯真係好好食！另外啲酸菜好多，唔係酸到好難入口果種，係會忍唔住食埋。食親酸菜魚都會叫埋紅糖糍粑($43)，簡單啲講我覺得就係似黑糖黃豆粉麻糬咁，煙韌得黎又解辣。不過太早嗌定好快上菜，凍左無咁食！中途再加單好啲。依間酸菜魚係香港黎講算幾好，條癮發作嘅時候一定第一時間諗起！