影片
更多
2018-06-08
757 瀏覽
打從同男朋友約定左一個星期只可以食一次好西之後，我地足足三個星期冇見… 一個返夜一個返早，時間錯開哂～今個星期終於夾到時間，所以唔係 Friday night 都要同男朋友出去行下食下野 好開心啊，足足一個月都冇食好野，試呢間個陣都有啲驚自己會試伏，好彩係冇既！因為我地諗住會有下場，所以兩個人都唔算話嗌左好多。嗌左一個意大利沙津、海鮮意粉同埋芝士條。食開意大利菜既話你都知佢講呢款意大利沙津 (Caprese) 就唔係你平時食開個種沙津係有芝士溝雜色車厘茄個隻～本身我自己就勁鍾意食車厘茄，貪佢甜甜地入口 juicy 又可以減肥，跟住溝埋雖然邪惡但真係超級好食既芝士，呢個當 starter 係真係穩陣。如果你鍾意食岩岩個款芝士既話，咁呢個就可以要嗌埋。因為係同一款芝士整既芝士棒，再溝意式蕃茄醬同 cream sauce呢個真係好好好好好好好好好好食！美中不足係，如果佢份量可以多返少少會好啲… 畢竟我都幾大食 就算有下場都要嗌返個主菜既…呢間既海鮮意粉本身就出名～海鮮個量都真係唔搵笨，睇圖你都見到幾多舊蝦。個量係足既，兩個人咁樣 share 嚟食都 7 成飽。個醬汁好正好香，都係個句，個人認
我地足足三個星期冇見… 一個返夜一個返早，時間錯開哂～
今個星期終於夾到時間，
所以唔係 Friday night 都要同男朋友出去行下食下野
好開心啊，足足一個月都冇食好野，
試呢間個陣都有啲驚自己會試伏，好彩係冇既！
因為我地諗住會有下場，所以兩個人都唔算話嗌左好多。
嗌左一個意大利沙津、海鮮意粉同埋芝士條。
Caprese
$109
35 瀏覽
6 讚好
0 留言
食開意大利菜既話你都知佢講呢款意大利沙津 (Caprese) 就唔係你平時食開個種沙津
係有芝士溝雜色車厘茄個隻～
本身我自己就勁鍾意食車厘茄，貪佢甜甜地入口 juicy 又可以減肥，
跟住溝埋雖然邪惡但真係超級好食既芝士，呢個當 starter 係真係穩陣。
White Gold Bars
$109
38 瀏覽
5 讚好
0 留言
如果你鍾意食岩岩個款芝士既話，咁呢個就可以要嗌埋。
因為係同一款芝士整既芝士棒，再溝意式蕃茄醬同 cream sauce
呢個真係好好好好好好好好好好食！
美中不足係，如果佢份量可以多返少少會好啲… 畢竟我都幾大食
Seafood Linguini
$189
48 瀏覽
5 讚好
0 留言
就算有下場都要嗌返個主菜既…
呢間既海鮮意粉本身就出名～
海鮮個量都真係唔搵笨，睇圖你都見到幾多舊蝦。
個量係足既，兩個人咁樣 share 嚟食都 7 成飽。
個醬汁好正好香，都係個句，個人認為如果你鍾意食上面個兩樣野既話，
呢個你都會鍾意食，因為都係個味野。
環境嚟講，都幾適合情侶約會，
因為唔太嘈，個裝修又「事事正正」，係掂當既。
價錢就肯定唔可以話平啊抵食既，
想食好西，手頭鬆動少少有足夠銀彈既話，
呢間掂當。
張貼
