伊勢日本料理 (已結業)

呢間日本菜位於利舞臺，餐牌排列得好整齊，應該係做正中日本料理，但係今日我地兩個都唔想諗食咩，所以叫了兩個定食：1. 吉列豬扒定食 - 有好正中嘅麵豉湯，前菜有蘿蔔乾同酸瓜粒，豬扒炸得金黃色、脆脆的，初時食落好軟熟，但食到中間位置時就偏硬同偏亁，伴碟有一推用strawberry dressing嘅salad，感覺好清新; 飯係好靚嘅日本珍珠米。2. 牛肉火鍋定食 - 因為擺得太耐，所以啲牛肉有啲鞋口，但係湯嘅味道好甜好美味，其他都係一樣。最後係甜品，有幾款雪糕比我地揀：綠茶、紅豆、芝麻，我地分別揀咗綠茶及芝麻，綠茶雪糕嘅唔夠綠茶味，不過不失，可以暫時頂住我嘅癮，芝麻雪糕口感不錯，芝麻味十足。Comments : 食物水準還好，不過不失。服務態度唔錯，周不時會加茶。位置舒適，兩個人可以坐四個人嘅卡位。