祥景茶餐廳 (已結業)

祥景雖然搬遷左好耐，但係今次都係搬遷後第一次食，真係久違既味道！見到好多熟口熟面既待應，同埋賣個個麵包位都係好似，仲有新鮮出爐既蛋撻！一拎出黎勁香～裝修變得好開揚，成個場都好光，比人一種好精神既感覺！燈光比舊舖好好多！叫左個扎肉湯檬$40扎肉分量好多，湯檬剪碎左再上，係以前既味道！好好味，扎肉唔會有怪味！另一個叫左香茅雞中翼湯檬 $40雞中翼炸得香口，調味又夠！咬落去出曬煙，好味！個湯仲有的炸蔥蒜，令到個味好特別～係久違既味道！餐飲叫左凍檸茶同凍檸水，無乜特別，係檸檬夠香～雖搬左第二個位置，但味道依然無變～Keep到個水準！！不錯！