1057
66
46
等級4
223
1
♥️之食堂用♥️製作🇯🇵日式料理
2018-10-22 1570 瀏覽
祟日嘅阿肥與阿胖,一向都鍾意發掘一啲比較有特色嘅日本料理餐廳品嚐,今次就碌到過海嚟銅鑼灣百樂中心12樓嘅心之食堂試下~一出到𨋢已經俾佢嘅和風式門簾所吸引,仲有貼咗櫻花圖案嘅裝飾,型標誌一定望得見。裡面裝修簡約清閒,有個濶屏幕大電視播住外語歌嘅MV令人放鬆心情,座位寬敞舒適寫意,一邊享受美食一邊與親朋閒聊最為不過。店員主動服務提供餐牌,原來呢度嘅落單方式好方便,佢俾支水筆我哋,喺睇餐牌嘅同時啱心水就可以畫落去過咗膠嘅面度,點哂就成份俾番職員,咁佢就可以循環再用啦,又環保清晰~呢度嘅日式料理種類繁多,除咗一啲小食/沙律/炸物之外,仲有燒物/一品料理/多款卷物壽司刺身魚生,應有盡有,尤如食放題一樣選擇眾多,令人心大心細。不過我同阿肥都揀咗一啲喺出面比較小見嘅特色菜式,最後覺得呢度嘅食物水準非常之高,值得推薦。首先吸引我嘅就係呢個迷你海膽蟹籽杯($68蚊),可能材料對大眾嚟講都好普通姐,食日本嘢度度都有,不過呢個杯子的的骰骰,原來內有乾坤,先係四至五片嘅新鮮海膽滿足慾望,我第一啖首先唔點豉油已經覺得鮮甜夠味,海膽味濃一向都能夠令我立秒愛上。另外仲配有兩片青瓜同埋酸薑襯托,然後會發現杯中原來有足
更多
13 瀏覽
0 讚好
0 留言
39 瀏覽
0 讚好
0 留言
祟日嘅阿肥與阿胖,一向都鍾意發掘一啲比較有特色嘅日本料理餐廳品嚐,今次就碌到過海嚟銅鑼灣百樂中心12樓嘅心之食堂試下~一出到𨋢已經俾佢嘅和風式門簾所吸引,仲有貼咗櫻花圖案嘅裝飾,
型標誌一定望得見。裡面裝修簡約清閒,有個濶屏幕大電視播住外語歌嘅MV令人放鬆心情,座位寬敞舒適寫意,一邊享受美食一邊與親朋閒聊最為不過。
店員主動服務提供餐牌,原來呢度嘅落單方式好方便,佢俾支水筆我哋,喺睇餐牌嘅同時啱心水就可以畫落去過咗膠嘅面度,點哂就成份俾番職員,咁佢就可以循環再用啦,又環保清晰~
呢度嘅日式料理種類繁多,除咗一啲小食/沙律/炸物之外,仲有燒物/一品料理/多款卷物壽司刺身魚生,應有盡有,尤如食放題一樣選擇眾多,令人心大心細。不過我同阿肥都揀咗一啲喺出面比較小見嘅特色菜式,最後覺得呢度嘅食物水準非常之高,值得推薦。
迷你海膽蟹籽杯
$68
28 瀏覽
0 讚好
0 留言
首先吸引我嘅就係呢個迷你海膽蟹籽杯($68蚊),可能材料對大眾嚟講都好普通姐,食日本嘢度度都有,不過呢個杯子的的骰骰,原來內有乾坤,先係四至五片嘅新鮮海膽滿足慾望,我第一啖首先唔點豉油已經覺得鮮甜夠味,海膽味濃一向都能夠令我立秒愛上。另外仲配有兩片青瓜同埋酸薑襯托,然後會發現杯中原來有足夠嘅壽司飯俾你送埋刺身一齊食,對我嚟講都唔算迷你啦。
蟹肉忌廉餅
$38
30 瀏覽
0 讚好
0 留言
呢款係阿肥好鍾意嘅蟹肉忌廉餅($38蚊),共有兩塊,每塊一開為二,裡面creamy狀態嘅蟹肉忌廉清晰可見,建議大家炸物真係必須趁熱食,蟹餅即叫即炸香脆可口,忌廉軟滑熱辣辣呈流質狀態,其實唔需要點沙律醬都已經好好味道。
心心三文魚飯
$78
44 瀏覽
0 讚好
0 留言
我想食番小小澱粉質較為飽肚所以就叫咗呢個心心三文魚飯($78蚊),嚟到嘅時候好驚喜呀,用咗心型嘅碗子不特止仲要連個飯都推砌咗做心型,仲要連pat wasibi都係心型架囉~攞命
唔好見佢好似好細碗咁其實十分之足料,新鮮肥美嘅三文魚呈九份生+一份熟嘅狀態,舖滿整個飯面,廚師用火槍輕輕炙燒過所以有點焦香令三文魚味更為突出,最令人讚嘆嘅係飯底旁邊仲有一啲類似肉鬆嘅粉紅色櫻花鬆子增加口感同點點咸香味道,一流呀

蟹味噌軍艦
$48
23 瀏覽
0 讚好
0 留言
蟹味噌軍艦($48蚊),有兩舊啱啱好一人食一件,估唔到佢哋將壽司放喺張小木櫈上面咁美觀,蟹膏味超濃郁入口後佈滿口腔每個角落,因為夠新鮮所以唔會覺得有腥味

味淋魚干
$88
25 瀏覽
0 讚好
0 留言
味淋魚干($88蚊),雖然一份小食要$88蚊好似有點above average,不過食過之後知道係值得架,呢種魚干新鮮即燒,肉質較腍並唔係出面即食嗰種零食咁嘅口感又乾又硬,用上咁高質嘅食材我都比較小機會遇上,醃製到咸咸哋咁又香口令人不禁一條又一條

心之火焰鐵板牛柳串
$88
15 瀏覽
0 讚好
0 留言
心之火焰鐵板牛柳串($88蚊),呢份小食就不得之了啦~好彩我份人成日都"機不離手",店員送菜嘅時候原來仲會即時點火營造出火焰效果,好彩我夠快打開錄影mode影得切呀,呢幾秒真係好有氣勢
兩串牛柳粒之間仲夾住三色椒提味,牛肉粒四四方方肉質鮮嫰,咬落夠腍又出到肉汁,只有點點黑椒調味唔會過咸更加唔會蓋過牛味,阿肥仲好開心因為發現最底有舊燒菠蘿俾佢
另外仲有幾舊薯角,令人滿足。
心動大阪燒
$88
15 瀏覽
0 讚好
0 留言
心動大阪燒($88蚊),大家都似乎對大阪燒有情意結,去到邊見到有都一定要試下,估唔到呢度呢個都令人有所驚喜,美味至極,裡面嘅麵粉加蛋另有菜絲蘿蔔絲,份量平均所以口感討好,唔會鬆散夾唔到亦唔會過實硬綁綁,睇嚟廚師嘅廚藝功不可沒,上面仲唧咗令人胃口大開嘅沙律醬同埋日式醬汁,鍾意大阪燒嘅人真係唔可以錯過。
原條燒菠蘿
$48
11 瀏覽
0 讚好
0 留言
阿肥有幾鍾意食燒菠蘿($48蚊)我就唔再講啦......見到佢食到菠蘿汁泌哂出嚟,又話好甜又話燒過嘅菠蘿最好食......真係服咗佢
最令佢滿意嘅就係呢份燒菠蘿仲要原條上,好大碌丫。
青蛙王子
$58
28 瀏覽
0 讚好
0 留言
雖然我唔係白雪公主,不過我見到有個青蛙王子($58蚊)都情不自禁咁呼喚咗佢~原來佢係一杯忌廉汽水上面加咗球綠茶雪糕,啱哂我呢啲綠茶婊子呀
23 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐日期
    2018-10-20
    用餐途徑
    堂食
    人均消費
    $331 (晚餐)
    推介美食
    迷你海膽蟹籽杯
    $ 68
    蟹肉忌廉餅
    $ 38
    心心三文魚飯
    $ 78
    蟹味噌軍艦
    $ 48
    味淋魚干
    $ 88
    心之火焰鐵板牛柳串
    $ 88
    心動大阪燒
    $ 88
    原條燒菠蘿
    $ 48
    青蛙王子
    $ 58