影片
更多
2023-12-11
564 瀏覽
今晚迪士尼有聖誕Live concert，睇完之後超肚餓，就嚟咗大街餐廳食個晚餐。因為臨近聖誕節，大街餐廳五點後只供應聖誕套餐，冇其他選擇。成人聖誕套餐主菜有三個選擇-燒火雞卷、威靈頓牛柳同埋野菌扁意粉。兒童餐則都係預設好嘅。我今次就食咗威靈頓牛柳主菜嘅聖誕套餐🍽️前菜-刁草三文魚沙律🐟🥗第一道上嘅前菜已令我有驚喜。三文魚有1 cm左右厚，肉質鮮甜。食完令我更期待之後嘅菜式😋湯-椰菜花湯🥣及餐包🥖前菜後就到上餐湯同餐包嘅時間。椰菜花湯用透明杯裝，賣相好得嚟又襯托返大街餐廳cafe個氣氛🥰除咗賣相好之外，佢哋嘅味道都好唔錯。椰菜花湯飲落creamy得嚟又唔會過咸過溜。餐包熱熱哋又外脆內軟。正👍🏻餐飲-聖誕套餐特飲🍹餐牌雖然冇寫，但係呢個套餐本身係包一杯聖誕特飲。特飲基本上係士多啤梨醬🍓加雪碧，配一片聖誕樹造型西瓜片🍉。味道都唔錯，甜甜哋又唔會過甜，幾有聖誕氣氛。上嘅時候雪碧係支裝分開上俾客人自己倒嘅，職員話倒落去時聖誕樹造型西瓜會浮起，我倒完就唔太浮。主菜-威靈頓牛柳🍴接住就到主菜威靈頓牛柳喇。用熱鐵板上餐，賣相唔錯，聞落都好香。左邊係紫洋蔥🧅加甘荀🥕，仲有少少配菜仔同米奇頭椰果。中間威靈
因為臨近聖誕節，大街餐廳五點後只供應聖誕套餐，冇其他選擇。
成人聖誕套餐主菜有三個選擇-燒火雞卷、威靈頓牛柳同埋野菌扁意粉。
兒童餐則都係預設好嘅。
我今次就食咗威靈頓牛柳主菜嘅聖誕套餐🍽️
前菜-刁草三文魚沙律🐟🥗
第一道上嘅前菜已令我有驚喜。三文魚有1 cm左右厚，肉質鮮甜。食完令我更期待之後嘅菜式😋
刁草三文魚沙律(聖誕套餐前菜)
27 瀏覽
0 讚好
0 留言
湯-椰菜花湯🥣及餐包🥖
前菜後就到上餐湯同餐包嘅時間。椰菜花湯用透明杯裝，賣相好得嚟又襯托返大街餐廳cafe個氣氛🥰
除咗賣相好之外，佢哋嘅味道都好唔錯。椰菜花湯飲落creamy得嚟又唔會過咸過溜。餐包熱熱哋又外脆內軟。正👍🏻
聖誕套餐餐包
20 瀏覽
0 讚好
0 留言
椰菜花湯(聖誕套餐餐湯)
16 瀏覽
0 讚好
0 留言
餐飲-聖誕套餐特飲🍹
餐牌雖然冇寫，但係呢個套餐本身係包一杯聖誕特飲。
特飲基本上係士多啤梨醬🍓加雪碧，配一片聖誕樹造型西瓜片🍉。味道都唔錯，甜甜哋又唔會過甜，幾有聖誕氣氛。
上嘅時候雪碧係支裝分開上俾客人自己倒嘅，職員話倒落去時聖誕樹造型西瓜會浮起，我倒完就唔太浮。
聖誕套餐特飲
16 瀏覽
0 讚好
0 留言
主菜-威靈頓牛柳🍴
接住就到主菜威靈頓牛柳喇。用熱鐵板上餐，賣相唔錯，聞落都好香。
威靈頓牛柳(聖誕套餐主菜)
18 瀏覽
0 讚好
0 留言
左邊係紫洋蔥🧅加甘荀🥕，仲有少少配菜仔同米奇頭椰果。
中間威靈頓牛柳調味唔錯，牛肉生熟度適中，包住牛柳就煙肉又唔會好肥。食到一半都已經好飽，不過飽咗都覺得好味😋
右邊係薯蓉再加幾塊乾蒜片，味道都好唔錯。薯蓉有creamy口感又唔會好溜，蒜片又令到薯蓉味道少少咸，配合返個威靈頓牛柳，又係一款飽咗都想食哂嘅，正👍🏻
甜品-栗子蒙布朗🌰
食完上面咁多款好味嘅菜式，難然好飽但都好期待個甜品。不過，今次個甜品就令我有啲失望😞
甜品賣相係唔錯嘅
栗子蒙布朗(聖誕套餐甜品)
12 瀏覽
0 讚好
0 留言
左邊係朱古力片🍫上面加啲聖誕裝飾造型糖霜。朱古力片雖然唔甜但都冇朱古力味。糖霜就類似花塔餅上面嗰啲糖霜。
右下係雪糕🍦再加啲栗子粒🌰。雪糕冇咩味道，啲栗子粒好軟、有栗子味，夾埋落啲雪糕食都ok。
右下我原來以為係栗子cupcake🧁原來唔係。佢係栗子cream包住個朱古力類球狀物體。
朱古力球可一分為二。上半層入面係白色糖霜餅
下半層就係實心朱古力上面加啲cream貼住上半層。啲cream嘅味道麻麻，朱古力又冇乜味道。
整體來講我個人就麻麻哋鍾意個甜品😕
環境方面，大街餐廳裝修好細緻，營造到美式傳統咖啡店風格，亦俾人雅緻得嚟溫馨嘅感覺💕
我今次就坐主要用餐區。牆上有畫、鏡等等唔同裝飾。
餐廳另外仲有玻璃屋用餐區。牆身都係透明玻璃，有可口可樂吊燈做裝飾。
喺餐廳入面邊食，邊睇住出面熙來攘往嘅遊客同埋大街嘅聖誕裝飾、飄雪，節日氣氛真係出哂嚟😍
食完啱啱好出去睇埋個煙花🎆
呢度聖誕套餐價錢係略貴少少，亦都唔可以用任何優惠，但味道(除咗甜品😛)、環境、員工服務丶聖誕氣氛等都做得好好👍🏻推介一試😇
張貼
