Marco Bistro (已結業)

想寫呢個食評好耐，但現在才有空閒。25/12/2005晚到上此餐廳用膳(因為平安夜前2天同朋友吵架及冷戰。雖然我已買了戲票但大家都無想過會出去，所以一直無訂位食飯)。平安夜，他來電議和後就負責找餐廳食飯，餐飯咁就出事。根據他的說詞﹕這是惟一1間仲訂到位又好似幾好的餐廳。所以25號看戲後便來了這裡食飯。可能因為節日關係，全餐廳得4個set可以選擇。價錢唔貴$1xx/ set…唉…都知到好極有限…點知…同下面hogold一樣喝了一個怪味龍蝦湯，唔識形容但都幾難飲。煙三文魚沙律一般，煙三文魚唔咸又唔似煙過。主菜要了羊膝及牛柳，羊膝中規中矩唔算太差。牛柳要medium rare ,但上菜後發現接近9成，廚師功力好有問題。牛柳味道真係麻麻，而且仲幾韌。全晚最差的就是甜品，淋上士多啤梨汁的蛋糕是超難食！張單唔係我埋所以唔知實際幾多錢，只知道$400有找。題外話﹕到達時已10點無乜人，廚房應該不算太忙但都係咁差。走的時候，他問我呢間都OK呀?我心諗下次有人請都唔會再來。