天樂餐廳

營業中

休息中

好耐之前電視介紹過，已經好想試吓，不過住得遠，一直都冇動力。近期電視又介紹喎，決定帶埋兩個仔去試吓先。午市時間剛開始，都好快有位，職員冇推介，亦無比餐牌我，於是只好睇下放在枱上的午餐牌，原來其中兩樣最出名嘅瑞士汁河粉同雞翼都是午餐套餐，細仔好細食，所以三個人只點了兩個餐。餐湯我叫了羅宋湯，對版嘅！兩個小朋友分咗碗忌廉湯。河粉好快到，味道OK嘅，不過唔係干炒牛河嗰種鑊氣嘢，同自己想像中有出入。雞翼係中翼連翼尖的，都OK好食喎，兩個小朋友食到污嘴狗咁！叫完餐飲先聽到後面枱客叫紅豆冰⋯⋯掙扎咗一陣，最後叫多碗羅宋湯飲。呢度真係好多熟客幫襯，服務態度好親切，下次帶老婆嚟試吓晚市先。