影片
更多
2021-09-08
997 瀏覽
某日同兩位朋友係大坑行完唔知食咩好朋友嘅朋友介紹咗呢間＼New York Club／呢到乜國家嘅菜都有得食，又有泰式越式仲有上海嘢！ 好痴線最痴線係樣樣嘢都好食˙𐃷˙＼熱狗／似乎係招牌菜嚟，仲有個套餐係有埋餃子，但我哋淨係食咗熱狗麵包烘底脆卜卜熱辣辣，酸瓜粒中和到腸仔嘅咸加分，條大腸仔有肉汁，加埋沙律醬一流。＼生蝦刺身／普普通通，都新鮮嘅冇腥味＼豬腳／好！軟！糯！入晒味一夾起身已經骨肉分離。唔該，我想要多碗飯！＼菠蘿炒飯／好足料有鑊氣，睇相都見到仲有啲菜係入面有誠意。菠蘿粒都比得唔手軟，一啖可以食到炒飯+菠蘿+肉鬆等等好滿足。整體嚟講好有驚喜，睇舖面完全估唔到會有咁高質素嘅享受。成件事都幾麻甩，因為廚房同食客坐嘅位置係連埋，傾傾吓計會聽到師傅拋鑊嘅聲音，幾正。而且每樣嘢食都好味，仲有好幾樣嘢食我冇影到就食咗。老闆娘大推嘅＼藍莓芝士蛋糕／我哋都忍唔住叫咗。因為賣相好普通我冇特別影，食落口先知錯晒，好好食，芝士味好濃一啲都唔簡單，好食過附近啲cafe都唔出奇，難怪老闆娘話子華神都鐘意食。之後一定會返去再食其他嘢，有機會經開大坑一定要入去試下佢哋嘅食物，會有驚喜。
朋友嘅朋友介紹咗呢間＼New York Club／
呢到乜國家嘅菜都有得食，又有泰式越式仲有上海嘢！ 好痴線最痴線係樣樣嘢都好食˙𐃷˙
＼熱狗／
似乎係招牌菜嚟，仲有個套餐係有埋餃子，但我哋淨係食咗熱狗
麵包烘底脆卜卜熱辣辣，酸瓜粒中和到腸仔嘅咸加分，條大腸仔有肉汁，加埋沙律醬一流。
＼生蝦刺身／
普普通通，都新鮮嘅冇腥味
＼豬腳／
好！軟！糯！入晒味一夾起身已經骨肉分離。唔該，我想要多碗飯！
＼菠蘿炒飯／
好足料有鑊氣，睇相都見到仲有啲菜係入面有誠意。
菠蘿粒都比得唔手軟，一啖可以食到炒飯+菠蘿+肉鬆等等好滿足。
整體嚟講好有驚喜，睇舖面完全估唔到會有咁高質素嘅享受。成件事都幾麻甩，因為廚房同食客坐嘅位置係連埋，傾傾吓計會聽到師傅拋鑊嘅聲音，幾正。而且每樣嘢食都好味，仲有好幾樣嘢食我冇影到就食咗。
老闆娘大推嘅＼藍莓芝士蛋糕／我哋都忍唔住叫咗。因為賣相好普通我冇特別影，食落口先知錯晒，好好食，芝士味好濃一啲都唔簡單，好食過附近啲cafe都唔出奇，難怪老闆娘話子華神都鐘意食。
之後一定會返去再食其他嘢，有機會經開大坑一定要入去試下佢哋嘅食物，會有驚喜。
張貼
