LE PAN (已結業)

如題，一齊都好，由麵包、湯到頭盆。出事嘅就係相中嘅主菜，牛里脊配鵝肝。落單時說好的 medium rare 變咗 medium well，侍應有提出更換，但係本着唔浪費食物嘅精神，而且 medium well 還是可以接受，所以我沒有更換，現在想起有點後悔！其實切開件扒事除咗見到佢比預期熟，仲覺得係有點不對勁，但一時又說不出來，當食落去嘅時候這個問號就清楚了，「這個不是 beef，是 veal 吧？！」，喜歡吃西式牛扒嘅朋友應該可以理解這問題。食 tenderloin 就係要食香濃嘅牛肉味，正如食和牛要食佢嘅油香，牛仔肉畀到你嘅係清淡而細嫩感覺。雖然，肉是好肉，但真係食不得味兒！