海魂燒 (已結業)

天后不嬲都係美食集中地 而近年清風街個頭都開咗唔少燒烤店今次嘅海魂燒係行日式路線 吧位擺滿好多日本靚酒 個感覺即刻出曬黎 埋位！我同男朋友兩個人諗住試下二人餐 咁佢就有兩款嘅分別係海鮮同和牛 我地見和牛餐價錢平少少同埋都有少少燒海鮮就決定嗌好快就上咗個餐湯蕃茄湯 個湯熱辣辣蕃茄味都算香 冇乜渣啱曬我呢啲唔鍾意食渣嘅人之後就係天婦羅拼盤 蝦同蕃薯每樣有兩件 看似好普通嘅日式炸物其實都唔易整架  呢間一咬落去就知佢係啱啱炸起 好香好脆 唔錯唔錯 終於到和牛了～～雖然佢地當日餐牌上嘅鐵板和牛賣曬要用和牛粒代替 但仍然無損我地對佢嘅期待和牛牛質好腍入口即溶 完全唔會好似出面食咬橡筋咁 唯一係個汁濃咗點搶咗個肉嘅鮮味 相信佢如果係燒大塊和牛唔會索咁多汁會好啲燒蠔同焗西蘭花都值得推介架首先蠔都有返咁上下size 加上面頭ge蒜蓉同蟹子 有咬口同時不失鮮味西蘭花呢就唔會焗到黃曬 用芝士焗絕對係絕配最後黎到日式餐廳 當然有指定動作雪米糍啦我個粒係香芋男朋友就係綠茶 當然要即刻同佢交換啦