一君士多 (已結業)

藝人「鄧一君」既一君士多，真係咩都有得食，港式、日式都有☺️店面都好乾淨，好似一啲日式小店咁，細細間但係有好企理光猛，店員都好有禮貌～依到有車仔麵、日式拉麵/烏冬、雞煲、港式麵包同各款小食！麵類我就簡左經典牛腩撈粗是車仔麵一定係要試吓佢嘅牛腩咁就知水準，首先講佢嘅粗麵，份量都幾多，而且佢個秘製醬汁都做得唔錯，令附一碗小清湯，可以比一啲食開淡味既人加加！否則佢個撈粗已經夠晒ok😍另外佢嘅牛腩都唔錯喎，燜得幾淋，而且尚算入味！而飯類我地簡左招牌火之山牛飯，其實姐係窩蛋加牛肉，牛肉圍係碟邊上，另上洋蔥牛肉汁，而飯嘅面頭就放咗一隻生蛋，返一嚟到就將牛肉汁同埋蛋一齊撈起，味道正常，沒太大驚喜。是喜歡既係依一個一君菠蘿堡就係用一個菠蘿包夾住蕃茄、鹹牛肉、芝士、煎蛋、聽到都好味！即叫即做，店員有烘熱到，個菠蘿包都保持到徐徐的，裏面嘅煎蛋一切開流哂心咁，配埋芝士咸牛肉絕對係一流！正呀，好有港式味道😍😍另外仲叫左一君炸蛋，即係炸鵪鶉蛋，其實鵪鶉蛋而家都好少地方食到，呢度仲要將佢炸過，零舍香口，不過如果係即叫即炸脆啲會更好啦！最後係一個咁凍嘅天氣嗌左杯檸檬生薑蜜，反而杯嘢飲己有驚喜喎，超大杯，完全係兩個人嘅