影片
更多
2021-03-04
64 瀏覽
今日同朋友特登入黃埔去食呢間好多人介紹嘅九重鮮，唔怕肥嘅我地揀左食午市放題（其實就怕肥，不過為食）。呢個午市放題平日就$268一位，星期六日就$298一位，不過可以食成2.5個鐘咁多！每位都要有一份龍蝦、鮑魚、帶子同埋一份叫椰皇三重奏嘅甜品。仲有好多蒸海鮮、小食、湯、串燒、烤肉、天婦羅同埋銀紙燒可以任食。另外加左$13任飲飲品。首先每人一份帶子係連埋粉絲一齊蒸嘅，粒帶子都幾大粒。龍蝦肉同鮑魚蒸完之後都仲爽口彈牙，可見本身都幾新鮮。可以隨自己喜好點豉油同辣椒食。蒸海蝦同埋蜆係任食嘅，連蒸蠔都係任食。以任食黎講，呢到嘅蒸海鮮都算鮮甜，食多幾隻海鮮都可能可以回本。湯就有韓式人蔘雞湯或者冬陰功湯飲。小食都有好多種類，特別想提嘅係韓式海鮮煎餅，細細片嘅煎餅上面鋪上好多芝士，中間仲夾住公仔麵添，都幾特別。至於芝士煙肉焗蠔就焗都好香，仲有少少薯蓉添。至於燒嘅嘢食方面，我地回頭率最高嘅就係蒜蓉牛油燒金菇、汁燒七味雞髀菇串同埋新疆16味烤雞肉串。蒜蓉牛油燒金菇嘅蒜蓉同牛油味好香。汁燒七味雞髀菇串個汁就燒到有少少甜甜地，外面就脆脆地，一咬落去啲雞髀菇真係爆肉汁，呢個我地都食左四五串。新疆16味烤雞肉串嘅雞
呢個午市放題平日就$268一位，星期六日就$298一位，不過可以食成2.5個鐘咁多！每位都要有一份龍蝦、鮑魚、帶子同埋一份叫椰皇三重奏嘅甜品。仲有好多蒸海鮮、小食、湯、串燒、烤肉、天婦羅同埋銀紙燒可以任食。另外加左$13任飲飲品。
首先每人一份帶子係連埋粉絲一齊蒸嘅，粒帶子都幾大粒。
龍蝦肉同鮑魚蒸完之後都仲爽口彈牙，可見本身都幾新鮮。可以隨自己喜好點豉油同辣椒食。
蒸海蝦同埋蜆係任食嘅，連蒸蠔都係任食。以任食黎講，呢到嘅蒸海鮮都算鮮甜，食多幾隻海鮮都可能可以回本。
湯就有韓式人蔘雞湯或者冬陰功湯飲。
小食都有好多種類，特別想提嘅係韓式海鮮煎餅，細細片嘅煎餅上面鋪上好多芝士，中間仲夾住公仔麵添，都幾特別。至於芝士煙肉焗蠔就焗都好香，仲有少少薯蓉添。
至於燒嘅嘢食方面，我地回頭率最高嘅就係蒜蓉牛油燒金菇、汁燒七味雞髀菇串同埋新疆16味烤雞肉串。蒜蓉牛油燒金菇嘅蒜蓉同牛油味好香。汁燒七味雞髀菇串個汁就燒到有少少甜甜地，外面就脆脆地，一咬落去啲雞髀菇真係爆肉汁，呢個我地都食左四五串。新疆16味烤雞肉串嘅雞肉就非常嫩滑，調味亦都調得好，所以我哋都食咗幾次。
炸物方面因為我哋本身唔太鍾意食炸嘢，所以都冇乜點食。
銀紙燒有兩款，一款係麻辣一款係唔辣。我就揀咗麻辣嘅，入面有粉絲、兩隻蜆同埋兩隻蝦。銀紙燒一嚟到嘅時候，係用錫紙包住左啲材料同埋湯嘅。然後店員會喺錫紙外面淋上酒，然後點火，就會有啲火圍住塊錫紙咁樣燒啦。等火熄左之後就可以打開嚟食嘅。我覺得麻辣都幾正，湯底嘅味道有啲蒜味，望落唔辣其實辣辣地，有少少麻辣燙嘅味道。
椰皇三重奏入面有椰絲、椰皇奶凍同埋椰汁凍。食落椰汁味超濃，味道好清新好正！可惜呢個甜品唔係任食，如果任食我應該都會食返三四杯！
個口完全冇停過咁食咗兩個半鐘，由十二點半食到三點，由餐廳坐滿晒人食到啲人都差唔多走晒，飽到上心口，下次都係要控制下自己把口。
張貼
