影片
更多
2024-07-01
1341 瀏覽
今次黎到海港城呢邊行街，都有一排冇黎呢個商場，佢泊車優惠都幾抵，我地間中都黎行下，今次見到呢間新開既台式小店未見過，就入去試下😋佢既舖位唔大，一眼睇曬入面，不過商場入面仲有屬於佢地店既area比客人堂食，佢地餐牌有齊主食，小食，飲品，甜品，一間小食黎講好齊選擇👍🏻醉豬手烏冬（$60）個醉豬手好淋同入味，最特別係個湯都有啖啖酒味，但又唔係濃烈果款，係會想飲曬成碗湯既微微酒味🐷滷鴨舌（$32）滷雞翼（$25）滷豬耳（$25）滷豆腐（$22）滷大腸（$25）呢度既滷水小食有好多款式，鐘意食野既我地就叫左幾款，可能睇落好似夾埋都係得一碗，但其實佢每款入面都有勁多件細細既係個底，d野食整得好入味，其中鴨舌係我最鐘意，比較少地方有得食，佢係比較多肉條骨好細既正宗台式鴨舌，另外豬耳都好爽脆，其餘既我都鐘意食😍鹽酥雞（$28）芋圓地瓜球（$20）炸花枝丸（$26）炸物既小食我都揀左幾款較熱門既食，全部熱辣辣新鮮炸出，粒粒鹽酥雞卜卜脆好正，芋圓地瓜球外面脆，入面煙煙韌韌咁，口感一流，花枝丸脆口彈牙，都好滿意d炸物😆粒粒白桃烏龍含果肉（$32）加芝士奶蓋（+$10）食左咁多野我地就揀左比較清新解渴既水果茶
佢既舖位唔大，一眼睇曬入面，不過商場入面仲有屬於佢地店既area比客人堂食，佢地餐牌有齊主食，小食，飲品，甜品，一間小食黎講好齊選擇👍🏻
醉豬手烏冬（$60）
個醉豬手好淋同入味，最特別係個湯都有啖啖酒味，但又唔係濃烈果款，係會想飲曬成碗湯既微微酒味🐷
滷鴨舌（$32）滷雞翼（$25）滷豬耳（$25）滷豆腐（$22）滷大腸（$25）
呢度既滷水小食有好多款式，鐘意食野既我地就叫左幾款，可能睇落好似夾埋都係得一碗，但其實佢每款入面都有勁多件細細既係個底，d野食整得好入味，其中鴨舌係我最鐘意，比較少地方有得食，佢係比較多肉條骨好細既正宗台式鴨舌，另外豬耳都好爽脆，其餘既我都鐘意食😍
鹽酥雞（$28）
芋圓地瓜球（$20）
炸花枝丸（$26）
炸物既小食我都揀左幾款較熱門既食，全部熱辣辣新鮮炸出，粒粒鹽酥雞卜卜脆好正，芋圓地瓜球外面脆，入面煙煙韌韌咁，口感一流，花枝丸脆口彈牙，都好滿意d炸物😆
粒粒白桃烏龍含果肉（$32）
加芝士奶蓋（+$10）
食左咁多野我地就揀左比較清新解渴既水果茶，仲可以加芝士奶蓋，呢杯桃茶有埋果肉，口感更好🍑
鳳梨冰茶紅茶（$32）
鳳梨果茶都係台式飲品既招牌，大熱天時飲呢個，好清涼舒服，果香同甜味都夠🍍
招牌黑糖（$48）
呢個甜品都好豐富，三色芋圓，小芋圓，仙草，寒天，黑糖珍珠，芝士奶蓋，有齊曬想食既配料，個底仲係沙冰底黎，呢個天氣食真係一流❄️
呢間餐廳當正餐坐底當食都ok，經過嗌杯野飲食d小食又得，最正係佢款式多同埋係好正宗既台式小食，係度就有齊曬想食既野，掂👏🏻
張貼
