玖五牛肉麵 (已結業)

不嬲都鐘意食台灣野，無奈食過本地好幾間台灣餐廳，唔係太濃味，太咸，就係味精超勁！今次係喺毫無research之下，放工八點幾行過謝斐道，見舖面新淨就入左呢間玖五牛肉麵食，都有驚喜喎！叫咗個紅燒湯底牛肉麵，麵底分量唔算多，不過麵質好彈牙，湯底唔會死鹹，牛展亦都好夠腍，唔錯唔錯！去到呢個台灣滷肉飯，味道方面都正常啦，唯獨是係肉燥嘅份量係奇少，真係好少，其實個味道係ok㗎，肉燥份量多份啲個balance會好好多！呢個豆魚係額外叫嘅小食，個驚喜位係，外皮係腐皮炸到香脆，入面係相對清淡嘅芽菜，再淋埋個蔴醬，清新得來口感又濃郁，下次再黎都會再嗌番呢個豆魚！