九份•十分 (T Town ) (已結業)

今日入了天水圍做活動，到頌富商場食lunch。好彩醒目咁上FoodGulu搵定有咩食！去到商場真係周圍都係人，好彩一早拎定FoodGulu飛, 等一陣就入得去食。入面周圍都係人，所以都lala 聲睇下有咩食，快快手食完快d走。午餐的選擇都唔少，主要係台式食物圍主。當然 如果黎到台式餐廳唔想食台式食物ge...都可以有幾個選擇ge! 我見隔黎枱有對男女兩個都叫左牛肉麵! 個賣相又好似幾好食，所以我都叫左一客紅燒牛肉麵（＄58）我選了粗麵！ 另外，追加左一客鹽酥雞（＄8）同一份甜品。鹽酥雞皮脆肉軟，熱食又香又好味。俾＄8但份量一d都唔少，每粒鹽酥雞都係大大粒的，重要有成6－7粒咁多！扺食！牛肉麵到，真心覺得好足料，三舊牛肉都係大大舊的，而且有d牛腩位軟腍，口感鬆軟彈性適中。麵的份量亦十分多，我一個大男人都飽到飛起。＄58包埋野飲真係超值。去到一間台式飯店當然要點杯珍珠奶茶飲下，套餐內有一些唔洗加錢的選擇，亦可以加＄8揀正價＄28以下的特飲或者俾＄18揀＄28或以上的。我就想試下特別d ge 野飲，所以揀左一杯 Oreo 曲奇珍珠奶茶（加＄18）！ 多左Oreo曲奇粉，口感豐富左，又幾特別。