九份•十分 (河畔花園) (已結業)

九份就諗起寶島台灣，九份十分就係好似台灣咁嘅小餐室，位於沙田河畔，地點都一樣寫意，店內每件小擺設有寶島獨特嘅色彩，每位侍應都有台灣嘅人情味及笑容，除左台灣料理，佢哋仲加入中西日韓元素，大部份我都可以俾十分。溶岩芝士雞，賣相已攞滿分，忌廉芝士醬放入圓形法國麵包內，再加上大量芝士原隻焗，熱辣辣香噴噴，配合韓式炸雞，真係食指大動，一動手想取雞時，細心嘅侍應提醒我哋，有即棄膠手套放左向碟邊，取出一直以為係濕紙巾嘅物件一望～～dom dom???望真D原來即棄膠手套在此，好幽默講返隻雞，炸得好食過某D炸雞店，炸雞只係淡淡調味，沾入芝士忌廉汁嚟食就啱啱好，唔會大家互相搶味道另一推介，夏日西門町，即鳳梨沙冰，沙冰打得幼細，放左D冰凍鳯梨果肉響頂，有得飮仲有得食同場加映，隔離枱碟飯香，好大碟，好似好好味，我問隔離枱位先生可唔可以俾我影張相，佢話影啦，係lunch set A1嚟㗎。。。