影片
更多
2024-11-13
77 瀏覽
九如坊有好多特色小店，係中上環旺中帶靜嘅地方，星期日晚同朋友行到上去覓食，見到間本土特色風串燒店，本以為係度食串燒會好貴，睇一睇餐牌，原來價錢好合理，好多款串燒都係$10到$20一串，即叫即燒🍢飲品同食物嘅選擇都非常多，Sapporo生啤做緊$48買一送一，以依個地段嚟講真係好抵食！咖喱牛舌菠蘿包 $58/份————————————菠蘿包表面嗰層酥皮真係夠晒邪惡，夾牛油變菠蘿油就周街都食到。餐廳好有創意地將菠蘿包夾埋煎蛋、牛舌同咖喱，牛舌大大塊，腍腍地易入口，同咖喱好夾，太陽蛋個黃煎得好靚喎，少少燶邊就必需啦🍳食晒個包就會見到底張紅紙有個吉祥字，想知就記得點依個餐廳推介嘅菠蘿包！鹽燒牛舌芯 $28/串————————————面層灑上鹽燒，非常入味，口感脆彈、有嚼勁，唔會過韌！免治雞肉棒(配日本蛋) $28/串————————————配上橙黃色蛋黃嘅日本蛋🥚免治雞肉有綿綿嘅口感，入邊有少少脆骨，沾上溫泉蛋食更有順滑嘅感覺。豚肉荔枝卷 $15/串————————————燒過嘅豚肉片外皮香脆，配上整粒清甜嘅荔枝肉真係好夾，減低豚肉嘅膩感，令味道層次同賣相都更加豐富。酥脆雞皮 $38/份———
咖喱牛舌菠蘿包 $58/份
————————————
菠蘿包表面嗰層酥皮真係夠晒邪惡，夾牛油變菠蘿油就周街都食到。餐廳好有創意地將菠蘿包夾埋煎蛋、牛舌同咖喱，牛舌大大塊，腍腍地易入口，同咖喱好夾，太陽蛋個黃煎得好靚喎，少少燶邊就必需啦🍳食晒個包就會見到底張紅紙有個吉祥字，想知就記得點依個餐廳推介嘅菠蘿包！
鹽燒牛舌芯 $28/串
————————————
面層灑上鹽燒，非常入味，口感脆彈、有嚼勁，唔會過韌！
免治雞肉棒(配日本蛋) $28/串
————————————
配上橙黃色蛋黃嘅日本蛋🥚免治雞肉有綿綿嘅口感，入邊有少少脆骨，沾上溫泉蛋食更有順滑嘅感覺。
豚肉荔枝卷 $15/串
————————————
燒過嘅豚肉片外皮香脆，配上整粒清甜嘅荔枝肉真係好夾，減低豚肉嘅膩感，令味道層次同賣相都更加豐富。
酥脆雞皮 $38/份
————————————
大大塊又脆又香口嘅雞皮，雞皮油脂出名勁，真係勁邪惡😆
仲食咗好多小食同串燒，例如鹽燒美國蘆筍、紫菜鵪鶉蛋卷、日式秘製汁炸無骨雞翼、蜜糖燒菠蘿、大蔥雞肉串等等，食到超飽飲埋嘢每人都係$200左右，真係好抵食呀！
張貼
