蕃滿門 (已結業)

久不久會去九展睇戲, 貪佢依度人少D, 同D院新D又大D, 最重要係有4小時泊車優惠, 不過之前依度真係無啖好食, 去得最多都係麥當奴, 但而家唔同喇, 係2樓開左食街, 多左好多唔同野食  。人最多又最近電梯口既係蕃滿門喇, 佢依間餐廳主打蕃茄湯既粉面, 見到餐牌有個叫鎮店蕃茄湯粉就一於試下, 我揀左鑼絲粉同小辣, 收銀會俾個咇咇機你, 響機就自己去攞。依個鎮店蕃茄湯粉真係好大碗, 第一時間就試下個湯先，蕃茄味好正下，唔係個啲鮮茄湯既味，無咗啲蕃茄個啲腥味，係有甜味既蕃茄湯，但係點解無辣味既呢？原來我未撈勻個湯，我覺得小辣已經好夠，佢既辣似辣椒醬既，同蕃茄湯好夾。啲餸就普通啲，都有5，6樣野，都可以叫豐富既，如果想食好啲既我就推介豬手喇，餘咗係肥啲之外，性價比都幾高。蕃茄湯粉黎講，依間唔會失望。