影片
更多
2019-11-05
10 瀏覽
將軍澳中心終於優化完成，不少市民都期待已久，商場除了匯聚咗多個國際品牌及本土小店外，還有不少新餐廳進駐。上星期終於抽到時間去行下，順便在場內覓食。上次試咗間台式料理，今個星期決定再接再厲，而今次的目標就是這間來自九州福崗的拉麵品牌「金田家」。為了避開午市人潮，所以特意待至中午繁忙時間過後才到達，果然一如所料，毋須輪侯，便可以即時入座。餐廳環境簡潔，以淺木色為主調，內部格局寬敞，絲毫沒有局促感。用餐區擺放了多張二至四人的方檯，而最入位置就設有一列 L 形吧檯位，配合牆身上的擺設，裝潢雅緻骨子，充滿日本風情。拿起店員送上的餐牌，拉麵共有 8 款口味可供選擇，定價由 $83-$98 不等，另外亦有 10 款配料可以追加。至於小吃和飲品方面就有炸物、餃子、佐酒小食、梳打特飲、汽水、日本茶、果汁、啤酒及梅酒等。我揀咗柚子辛口拉麵 ($98)，並且追加咗粟米 ($10)，而愛吃肉的老公就點了黑豚拉麵，另外再追加咗黑豚叉燒 ($33)、豚肉叉燒 ($20) 同溏心蛋 ($14) 各一份。我選嘅柚子辛口拉麵率先送上，趁熱先呷一口湯，湯身非常順喉，清爽不膩。拌入少許辣醬後再嘗一口，辣醬嘅辛辣，再結合柚子
將軍澳中心終於優化完成，不少市民都期待已久，商場除了匯聚咗多個國際品牌及本土小店外，還有不少新餐廳進駐。上星期終於抽到時間去行下，順便在場內覓食。上次試咗間台式料理，今個星期決定再接再厲，而今次的目標就是這間來自九州福崗的拉麵品牌「金田家」。
為了避開午市人潮，所以特意待至中午繁忙時間過後才到達，果然一如所料，毋須輪侯，便可以即時入座。
餐廳環境簡潔，以淺木色為主調，內部格局寬敞，絲毫沒有局促感。用餐區擺放了多張二至四人的方檯，而最入位置就設有一列 L 形吧檯位，配合牆身上的擺設，裝潢雅緻骨子，充滿日本風情。
拿起店員送上的餐牌，拉麵共有 8 款口味可供選擇，定價由 $83-$98 不等，另外亦有 10 款配料可以追加。至於小吃和飲品方面就有炸物、餃子、佐酒小食、梳打特飲、汽水、日本茶、果汁、啤酒及梅酒等。
我揀咗柚子辛口拉麵 ($98)，並且追加咗粟米 ($10)，而愛吃肉的老公就點了黑豚拉麵，另外再追加咗黑豚叉燒 ($33)、豚肉叉燒 ($20) 同溏心蛋 ($14) 各一份。我選嘅柚子辛口拉麵率先送上，趁熱先呷一口湯，湯身非常順喉，清爽不膩。拌入少許辣醬後再嘗一口，辣醬嘅辛辣，再結合柚子嘅果香同豚骨湯嘅濃香，味道截然不同，清新又惹味。
麵條方面，由於點了硬身，所以即使浸了一會兒才吃，也沒出現過腍現象，加上幼長的麵條，入口煙韌彈牙，非常爽滑，掛湯效果令人滿意，再配埋芽菜、紅洋蔥、紫菜同青蔥一起吃，滋味滿足。叉燒選用了油脂較少嘅日本鹿兒島黑豚肩肉，塊塊都非常大片，肉質軟腍嫩滑，帶油脂甘香。 
追加嘅粟米雖然要成 $10，但係分量好多又超甜，撈埋落啲拉麵度食，好有口感。
至於老公點的黑豚拉麵 ($98)，用料亦絕欺場，叉燒一片片地排在碗邊，看起來猶如盛放的花朵，賣相甚佳。先嘗一口呈奶白色嘅湯底，質感濃厚稠密，充滿豚骨的香味。追加的溏心蛋亦十分出色，火候控制得剛好，蛋味濃郁又夠香，溏心效果一流。追加的豚肉叉燒亦很有水準，腩肉部位軟腍油香，配合濃郁的湯底，味道一流。
意猶未盡，決定再加一客唐揚雞塊 ($38) 試試，雞塊一客有 4 件，外層嘅炸粉漿望落有點厚，幸好咬下脆卜卜，而且內裡仍然 juicy 多汁，入口啖啖肉。
飲品點了薑汁柚子梳打 ($24) 和草莓乳酸梳打 ($24)，兩杯味道都唔錯，尤其是我揀的薑汁柚子梳打，清新的柚子加上帶少少辣嘅薑汁及檸檬皮， 飲落非常醒胃，充滿冰涼感覺。
張貼
