影片
更多
2019-02-08
388 瀏覽
年初二晚兩夫妻出外度新歲，打算到銅鑼灣看煙花，但整個銅鑼灣滿街係人，想搵個地方食飯都極困難，最後行到渣甸街見到文輝，晚飯時間入面只有三個客人，本覺得奇怪但無選擇下唯有入內一試，點知......新年流流換來一肚氣先講食物，我地兩人叫左一墨丸河及一碟沙爹牛腩撈麵再加一碟腐乳通菜，碗墨丸河一點味道都無，墨丸係大粒，但除左大又係無味，成碗粉都係淡如水；沙爹牛腩撈麵我只係食左三四啖便放棄，油麵底及沙爹汁係尚可的，但牛腩韌得不能咬開，食三四啖放棄（有心理影響，原因在下面）；唯一可取一點係碟通菜.....再講服務，新年流流，入到去個個員工都好似黑面神咁，算！食物唔好食，可以話口味問題，算！反正都係諗住求其食碗野頂下肚，但啲員工嘅態度簡直離哂大譜，我叫沙爹牛腩撈麵唔記得走青走芫茜，係自己問題，碟麵黎到我只係細細聲同老婆講話：「唔記得走青添」，點知個阿叔大大聲串我：「挑！係你自己唔一早講啫。」聽完當堂著哂火，心諗都無叫你換講咁多做乜；果時已經都食唔落，但求求其等老婆食完就走。跟住後來我坐個位冷氣滴水，我同另一個阿叔講聲話上面滴水，佢竟然話：「係咁架啦，唔鍾意去第二度囉。」埋單個收銀仲睥左我幾眼，好似話我
先講食物，我地兩人叫左一墨丸河及一碟沙爹牛腩撈麵再加一碟腐乳通菜，碗墨丸河一點味道都無，墨丸係大粒，但除左大又係無味，成碗粉都係淡如水；沙爹牛腩撈麵我只係食左三四啖便放棄，油麵底及沙爹汁係尚可的，但牛腩韌得不能咬開，食三四啖放棄（有心理影響，原因在下面）；唯一可取一點係碟通菜.....
再講服務，新年流流，入到去個個員工都好似黑面神咁，算！食物唔好食，可以話口味問題，算！反正都係諗住求其食碗野頂下肚，但啲員工嘅態度簡直離哂大譜，我叫沙爹牛腩撈麵唔記得走青走芫茜，係自己問題，碟麵黎到我只係細細聲同老婆講話：「唔記得走青添」，點知個阿叔大大聲串我：「挑！係你自己唔一早講啫。」聽完當堂著哂火，心諗都無叫你換講咁多做乜；果時已經都食唔落，但求求其等老婆食完就走。跟住後來我坐個位冷氣滴水，我同另一個阿叔講聲話上面滴水，佢竟然話：「係咁架啦，唔鍾意去第二度囉。」埋單個收銀仲睥左我幾眼，好似話我想攪事咁。
過年喺銅鑼灣嘅食店得小貓三四隻，果然不無道理....遇著間咁嘅店，只能算自己唔好彩，不過呢間野，永無下次！！！
張貼