坤記牛腩 (已結業)

之前聽聞澳洲牛奶公司第三代除左喺九龍城開左「澳牛2.0」-聯發茶餐廳外，仲開左間賣牛腩嘅鋪頭喺隔離，我姑且叫佢做「九記2.0」吧。星期六，外面落緊滂沱大雨，可能或多或少影響到生意，鋪頭入面冇乜人。叫左碗「上湯牛筋腩伊麵」（$52）：先飲一啖牛湯，果然夠清甜，又帶點牛骨香；到牛腩部分，佢似柱侯牛腩嘅味道，即係比平時食開嘅清湯牛腩重味，揀伊麵就貪佢可以索湯，雖然索價$52一碗偏貴，但整體而言，味道都唔錯。我覺得可以接受，咁當然未至於媲美九記啦。不過可以繼續努力，一定可以做得更好。