楽壽司 (已結業)

呢間樂壽司堅好食！無論食材上的鮮味和餐廳內的奢華風格，都非常之高質。佢所有的壽司食落去，佢的新鮮度係從口中爆發出黎，加上師傳刀工好好，好滿意！佢係由廚師發辨，套餐可以選擇壽司或刺生類，壽司有9件及12件選擇，另有前菜丶沙律丶湯及茶碗蒸。今次第一次黎，幸運坐上了吧枱邊睇邊食，就像回到了日本。前菜係蕃茄酸汁沙律，開胃的沙律。第一款北海道帆立貝師傅用青檸擦過帆立貝的表面，帆立貝軟滑清香。深海池魚 池魚爽滑帶油香的肉質好好食，口裡除了油香徘徊外，仲多了辛辣同酸辣味，味道一試難忘。剝皮魚 Ka wa ha ki 剝皮魚肉質帶白，帶甜。活赤貝活赤貝外面橙紅色，口感爽厚鮮甜，吃上口「索索」声。醬油漬吞拿魚黑陸魚 味道帶有煙燻味，非常柔軟易咬，好腍。拖羅拖羅入口即溶，油脂豐富。海膽海膽的顏色睇落好鮮黃，非常新鮮，絕對無腥味，仲甜到一口溶化，吃到最後還有一點點海水味。茶碗蒸好滑上口充滿湯汁，好多料。